Чүпрәле районының “Акчарлак” бассейнында йөзү буенча шәхси район беренчелеге узды
Ярышлар Бөек Ватан сугышында Җиңүнең 81 еллыгы һәм Татарстан Республикасында хәрби батырлык һәм хезмәт фидакарьлеге елы кысаларында оештырылды.
«Акчарлак» йөзү бассейнында спорт мәктәбендә тәрбияләнүчеләр арасында Бөек Ватан сугышында Җиңүнең 81 еллыгына һәм Татарстан Республикасында хәрби батырлык һәм хезмәт фидакарьлеге елына багышланган йөзү буенча шәхси район беренчелеге узды.
Бу чара спорт ярышына гына түгел, ә чын рухи көч бәйрәменә һәм ата-бабаларыбызның батырлыгына хөрмәт күрсәтүгә әверелде. Һәр йөзү-ныклык, максатчанлык һәм җиңүгә омтылышның мөһимлеген искә төшерү ул.
Ярышлар дүрт яшь категориясендә, малайлар арасында һәм кызлар арасында аерым узды.
Барлык призерлар һәм җиңүчеләр дипломнар һәм медальләр белән бүләкләнделәр.
Ярышларда күрсәтелгән нәтиҗәләр «Хезмәткә һәм оборонага әзер» комплексы нормативларын үтәү исәбенә кертелә.
Бу сәламәт яшәү рәвешенә һәм яшьләр арасында массакүләм спортны үстерүгә таба мөһим адым! Барлык катнашучыларны да уңышлы чыгышлары белән котлыйбыз! Сез бик яхшы әзерлек, җиңүгә омтылыш һәм илебез традицияләренә хөрмәт күрсәттегез.