Чүпрәле районы делегациясе Казанда Җиңү көненә багышланган тантанада катнашты
Татарстаннан фронтка 700 меңнән артык кеше киткән.
Муса Җәлил исемендәге Татар дәүләт опера һәм балет академия театрында Бөек Ватан сугышында Җиңүнең 81 еллыгына багышланган тантаналы чара узды.
Бәйрәмдә район Башлыгы Марат Гафаров җитәкчелегендәге Чүпрәле районы делегациясе катнашты.
Татарстан Республикасы Рәисе Рөстәм Миңнеханов җыелучыларга котлау сүзе белән мөрәҗәгать итте:
"Чын күңелемнән сезне Бөек Ватан сугышында Җиңүнең 81 еллыгы белән котлыйм. Бу безнең һәрберебез өчен изге бәйрәм. Бу-халык даны, хәтер һәм совет солдатының бөек батырлыгы белән горурлану көне. Иң авыр шартларда ул какшамас ихтыяр һәм ныклык күрсәтте. Җиңү өчен бөтен ил көрәште», — диде Рөстәм Нургалиевич.
Рөстәм Миңнеханов шулай ук искә төшергәнчә, Татарстаннан фронтка 700 меңнән артык кеше киткән, аларның яртысыннан артыгы әйләнеп кайтмаган. Һәлак булган геройлар истәлегенә бер минут тынлык игълан ителде.
Кунаклар өчен бәйрәм концерты булды.
Чара бүләкләү тантанасы белән тәмамланды: ТР Рәисе Бөек Ватан сугышы ветераннарына, махсус хәрби операциядә катнашучыларга һәм хәрби хезмәткәрләргә югары дәүләт бүләкләре тапшырды.