Чүпрәле районында ГТО кышкы фестиваленең муниципаль этабы старт алды
2026 елның 9 февраленнән Татарстан Республикасы Чүпрәле районында районның хезмәт коллективлары арасында Татарстан Республикасында Хәрби батырлык һәм хезмәт фидакарьлеге елына багышланган «Хезмәткә һәм оборонага әзер» комплексының кышкы фестивале старт алды.
Бүген, 2026 елның 10 февралендә «Чемпион» физкультура-сәламәтләндерү комплексы базасында районның «Спорт мәктәбе» хезмәткәрләре ГТО нормативларын үтәделәр.
"Хезмәткә һәм оборонага әзер" кышкы фестивалендә катнашучыларны яшьләр эшләре, спорт һәм туризм бүлеге җитәкчесе Руслан Вилданов җылы сәламләде. Ул билгеләп үткәнчә, «Хезмәткә һәм оборонага әзер» Бөтенроссия физкультура-спорт комплексының яшь категорияләре өчен барлык нормативлары Россия спорт министрлыгы тарафыннан билгеләнгән, һәм барысына да уңышлар теләде.
Исегезгә төшерәбез, фестиваль 2026 елның 9-20 февралендә узачак. Фестивальдә хезмәт коллективлары командалары катнаша ала.
Фестивальдә ГТО комплексының ІХ-XVI баскычларына караган 25 яшьтән алып 64 яшькә кадәрге гражданнар катнаша. Команда 8 кешедән тора. Команда беренчелеге спорт программаларында команданың барлык катнашучылары тарафыннан ГТО комплексының тиешле яшь баскычларында җыелган очколар суммасы буенча билгеләнә.
Чаңгыда йөгерү һәм чаңгыда йөрү нормативлары 2026 елның 14 февралендә «Татарстан чаңгы юлы-2026» республика массакүләм ярышлары кысаларында кабул ителәчәк (Иске Чүпрәле авылының чаңгы базасы).
Исегезгә төшерәбез, ГТО комплексы «Россия спорты» дәүләт программасы кысаларында гамәлгә ашырыла.