Татарстан Республикасы Чүпрәле муниципаль районында махсус хәрби операция сугышчыларының әниләрен һәм хатыннарын 8 Март белән котладылар
2025 елның 6 мартында Татарстан Республикасы Чүпрәле районы мәдәният йортында Халыкара хатын — кызлар көненә-8 Мартка багышланган бәйрәм концерты булды. Чарага махсус хәрби операциядә үз бурычын намус белән үтәгән хәрбиләрнең әниләре, шулай ук хатыннары чакырылган иде.
Татарстан Республикасы Чүпрәле муниципаль районы Башлыгы Марат Гафаров җылы котлау сүзләре белән чыгыш ясады. Ул билгеләп үткәнчә, 8 Март — барлык хатын-кызлар да игелекле, кайгыртучан һәм яратучан булулары өчен ихлас рәхмәт сүзләренә лаек булган үзенчәлекле көн.
“Ир-егетләрегез өчен сезнең алда баш иябез. Алар чын геройлар”, - диде район Башлыгы.
Чара кысаларында Марат Гафаров Чүпрәле районы оешуга 90 ел тулуга дәүләт бүләкләре һәм медальләр тапшырды.
Концертта шулай ук “Ел хатын-кызы: хатын-кыз карашы” республика конкурсында җиңүчеләр дә билгеләп үтелде. Катнашучыларның күбесе волонтерлык һәм гуманитар эшчәнлектә актив катнаша: маскировка челтәрләре үрәләр, җылы киемнәр бәйлиләр һәм сугышчыларга ярдәм җыялар.
Үзешчәннәр әзерләгән концерт программасы хатын-кыз матурлыгына, җәмгыять тормышында хатын-кызларның көченә һәм әһәмиятенә багышланган күңелне нечкәрткеч номерлар белән тулы иде. Сәхнәдән чын күңелдән котлаулар һәм изге теләкләр яңгырады, җылылык һәм шатлык атмосферасы туды.
Бәйрәм азагында залдагы барлык хатын-кызларга чәчәкләр һәм бүләкләр тапшырылды. Концерт тамашачыларга уңай хис-кичерешләр һәм якты тәэсирләр калдырды.