Татарстанда «Әти, әни, Мин-ГТО гаиләсе» онлайн-акциясе дәвам итә

2025 елның 4 марты, сишәмбе

Акция Ватанны саклаучылар елына һәм Бөек Ватан сугышында Җиңүнең 80 еллыгына багышланган.

Татарстанда Ватанны саклаучылар елына һәм Бөек Ватан сугышында Җиңүнең 80 еллыгына багышланган «Әти, әни, Мин-ГТО гаиләсе» онлайн — акциясе дәвам итә.

Конкурсның муниципаль этабы 20 мартка кадәр дәвам итәчәк. Бу вакыт эчендә катнашучыларга үз гаиләләрендә Ватанны саклаучылар турында видеоролик яздырырга кирәк. Әлеге этап тәмамлангач, һәр район берәр иң яхшы ролик сайлап алачак һәм аны акциянең республика этабында катнашу өчен конкурсның оештыру комитетына җибәрәчәк.

Роликның гомуми озынлыгы бер минуттан артмаска тиеш. Видеода күп дигәндә өч кеше булырга мөмкин. Роликта ГТО символикасы төшерелгән элементлар күрсәтергә кирәк.

Җиңүчеләрне 28 мартта билгеләячәкләр. Шул ук вакытта акциядә катнашучыларның барысы да ГТО дипломнары һәм сувенир продукциясе алачак.

«Хезмәткә һәм оборонага әзер» Бөтенроссия физкультура-спорт комплексы «Физик культура һәм спортны үстерү» Дәүләт программасы кысаларында гамәлгә ашырыла. Ул Россия халкын сәламәт яшәү рәвешенә һәм даими рәвештә спорт белән шөгыльләнүгә җәлеп итүгә юнәлдерелгән.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International