Татарстан Республикасы Чүпрәле муниципаль районының төп чыршысын «Чүпрәле» паркында ачтылар
Чыршы тирәсендә бик күп күңел ачу программалары оештырылды.
Бүген, 2024 елның 28 декабрендә, Чүпрәле районында тантаналы рәвештә үзәк чыршы ачылды, ул кышкы бәйрәмнәрнең чын символына әверелде.
Бу чарага бик күп халык җыелды, аларның һәрберсе бу онытылмаслык атмосфераның бер өлеше булырга омтылды. Җылылык һәм бәйрәм кәефе тудырып якты утлар һәм ялтырап торган уенчыклар белән мәйдан уртасында чыршы калкып тора.
Чыршы тирәсендә бик күп күңел ачу программалары оештырылды: балалар шатланып биеделәр һәм әйлән-бәйлән уйнадылар.
Ачылышта Татарстан Республикасы Чүпрәле районы Башлыгы Марат Гафаров, Казаннан килгән кунаклар: «Нечкәбил» республика ана һәм гаилә матурлыгы конкурсы җитәкчесе, Татарстан Республикасы Иҗтимагый палатасы әгъзасы Изольда Жуйкова һәм “Таткультресурсцентр” ДБУ вәкиле Юлия Тарнавская катнашты, алар халыкны якынлашып килүче Яңа ел белән котладылар, бергәлекне берләштерү өчен мондый вакыйгаларның әһәмиятен ассызыкладылар.
Махсус хәрби операциядә катнашучыларыбызның чыгышы аеруча игътибарны җәлеп итте. Алар район халкын котладылар, сәламәтлек һәм тыныч күк йөзе теләделәр. Марат Ринатович аларга хезмәтләре өчен рәхмәт белдерде, яңа ел бүләкләре тапшырды.
Бәйрәмдә шулай ук Кыш бабайлар парады һәм бизәлгән автомобильләр конкурсы да узды. Район Башлыгы Марат Ринатович яңа ел могҗизасын тудырган барлык чүпрәлеләргә рәхмәт белдерде, грамоталар һәм бүләкләр тапшырды. Шулай ук төрле конкурсларда җиңүчеләр дә бүләкләр алды.