Яңа елда Казанга туристлар агымы артуы көтелә. Казанда нәрсә карарга?
Төп истәлекле урыннар - Кремль, Кол Шәриф мәчете, Иске Татар бистәсе, “Туган Авылым” комплексы, Барлык диннәр храмы. Күчмә экскурсияләр - Раифа Богородицкий ирләр монастырена һәм Зөягә.
Татарстанның төп Яңа ел чыршысын «Казан» гаилә үзәге янында урнаштыралар. Агач тирәли якты гөмбәз җәелә, ә чыршының үзендә сурәтләр ясала. Янәшәдә боз шәһәрчеге, ярминкә һәм фудкорт ачыла.
Кыш Бабайның исеме “Кышкы Бабай” дип тәрҗемә ителә. Аның юлдашы Кар Кызы. Кышкы тылсымчының резиденциясе Казаннан 89 чакрым ераклыкта-Кырлай авылында урнашкан. Яңа ел бәйрәмнәре көннәрендә Кыш Бабай утарында бөтен гаилә өчен тематик экскурсияләр һәм башка күңел ачу чаралары үткәрелә.
Моннан тыш, 25 декабрьдән 12 гыйнварга кадәр Казан Кремлендә традицион Яңа ел ярминкәсе узачак. Шунда ук спектакльләр һәм концертлар булачак. Кремль яр буенда шугалак ясаячаклар, “Вселенная Бабы-яги” әкият корпорациясен ачачаклар.
“Әкият” курчак театрында – “Щелкунчик и новогодний бал” әкиятен, ә опера һәм балет театрында “Заколдованный мальчик” әкиятен күрсәтәчәкләр.
“Лаборатория снега” Яңа ел тамашасы – “Казан Экспо”да, “Белоснежка и семь гномов” мюзиклы - спорт сараенда. “Туган Авылым” милли комплексында декабрь һәм гыйнвар айлары буе – “Яңа ел Сабантуе”.
Игътибар! Татарстан башкаласында Яңа ел каникуллары өчен күңел ачуларны Путешествуем.рф “Туризм һәм кунакчыллык индустриясе” милли проекты порталында https://путешествуем.рф/article/kazan сылтамасы буенча сайларга мөмкин.