Татарстан Республикасы Чүпрәле муниципаль районында гаилә уты капсуласын Буа районына тапшырдылар
«Россия йөрәге» Бөтенроссия гаилә учагы Мәскәүдә ВДНХда «Россия» күргәзмәсендә кабызылды.
2024 елның 18 ноябрендә ТР Чүпрәле районының ЗАГС залында «Россия йөрәге» Бөтенроссия гаилә учагын Буа районына тапшыру тантанасы булды.
Исегезгә төшерәбез, Гаилә уты Татарстан Республикасының Чүпрәле районына узган дүшәмбе көнне, 2024 елның 11 ноябрендә, Тәтеш районыннан килде. Гаилә утын Портновлар гаиләсе алып килде.
Бүген тантана залында Портновлар гаиләсе «Россия йөрәге» утын Татарстан Республикасы Буа муниципаль районының Рунга авылыннан Тимряковлар гаиләсенә тапшырды. Любовь Васильевна һәм Юрий Васильевич өч ул тәрбияләп үстергәннәр, алар махсус хәрби операциядә катнашучылар.
Тантаналы чарага шулай ук риясыз һәм тугры мәхәббәт үрнәге булган, туган җире хакына хезмәт итүче парлар да чакырылган иде. Болар-күп балалы милләтара зартдиновлар гаиләсе: Ольга Владимировна һәм Ринат Минихәт улы, Отажановлар-Отажан Сардор улы һәм Ләйлә Әнвәр кызы.
Шулай ук бүген, чара кысаларында, Багаутдиновлар гаиләсенә-Раил Радик улына һәм Венера Айрат кызына бала туу турында таныклык тапшырылды.
- Җирдә бәхетле һәм тату гаиләдән дә ныграк җеп юк. Бу яңа тормышның башы, матур нәселнең дәвамы һәм изгелекне һәм традицияләрне хөрмәт итү, - дип билгеләп үтте Башкарма комитет җитәкчесе Рөстәм Мөхәмәтҗанов чарадагы кунакларны сәламләп. - Бер атна буе гаилә учагы кысаларында районда бик күп чаралар үткәрелде. Бүген без «Россия йөрәге»н Буа районына тапшырабыз.
Буа районы Башкарма комитеты җитәкчесе Ленар Шакирҗанов катнашучыларны бүгенге бәйрәм белән котлады, һәр гаиләгә иминлек һәм игелек теләде.
Чакырылган гаиләләрнең барысы да гаилә учагына кагылдылар, аның җылысын тойдылар һәм Гаилә елы символы белән хушлашуга теләкләрен җиткерделәр.
"Безнең сүзләр ярдәм генә түгел, ә бердәмлек һәм мәхәббәт символы да булсын", - диделәр алар.
Чара музыкаль номерлар белән үрелеп барды, алар залга җылылык һәм дуслык рухы кертте. Гаиләләр шулай ук бүгенге көн истәлегенә бүләкләр алдылар.
Белешмә
Мәскәүдә ВДНХда «Россия» күргәзмәсендә кабызган «Россия йөрәге» Бөтенроссия гаилә учагы гаилә елының төп символына әверелде. Утны Муромадагы Изге Троица монастыреннан махсус лампада алып килгәннәр. Бу шәһәр православие изгеләре Петр һәм Феврония ватаны булып санала. Учактагы утны 12 лампадага күчерделәр. Аларны барлык федераль округларга һәм яңа төбәкләргә китергәннәр, аннан бөтен ил буйлап таратканнар. Аның бер өлешен Татарстанга да алып килгәннәр. Капсуланы тапшыру акциясе Гаилә кыйммәтләренең һәм традицияләренең мөһимлеген ассызыклый.