Чүпрәле егетләрен тантаналы рәвештә хезмәткә озаттылар
Якындагы елга Чүпрәле егетләренең гадәти көнкүреше: татар Түкәсе авылыннан Тимур Аббазов, Яңа Чүпрәледән Булат Абдрафиев, Иске Кәкерледән Ринат Шахмуратов, Матак авылыннан Артем Акимов, Чуаш Ишлесе авылыннан Кирилл Лсова чын ир-ат үтәргә тиешле казарма һәм кырыс мәктәп белән алмашыначак.
Чүпрәле районының 5 егете 27 ноябрьдә иртән иртүк Россия армиясе сафларына киттеләр. Бу инде көзге кампаниягә чакырылучыларның дүртенче партиясе. Искәртеп үтәбез, өлешчә мобилизация аркасында, быел чакырылыш сроклары бер айга кичектерелгән иде.
– Мин сезнең хәрби частьләрдә намус белән хезмәт итәчәгегезгә ышанам, ә без сезнең белән горурланырбыз һәм сезне көтәрбез! - дип, армиягә чакырылучыларга Башкарма комитет җитәкчесе урынбасары Айрат Җәләлов мөрәҗәгать итте.
Чүпрәле егетләре Россиянең төрле урыннарында хезмәт итәчәк. Шунысын да билгеләп үтәргә кирәк, ашыгыч хезмәт солдатларының берсе дә махсус хәрби операция зонасына китмәячәк.
Көзге чакырылыш 31 декабрьгә кадәр дәвам итәчәк. Кампания кысаларында илнең Кораллы Көчләре сафларын 30 дан артык якташыбыз тулыландырачак.