Иртәгә Татарстанда бозлы яңгыр көтелә

2022 елның 22 ноябре, сишәмбе

   Алдагы көннәрдә республикада һава торышының кискен үзгәрүе көтелә. 23-24 ноябрь көннәрендә кар, бозлы яңгыр явачак һәм буран булачак. Юлларда көчле бозлавык, кар көртләре хасил булуы көтелә.

    Бәла-каза булган очракта, сез һәрвакыт ашыгыч хезмәтләр чакыруының бердәм номерына - «112» мөрәҗәгать итә аласыз. Шалтыратулар тәүлек әйләнәсендә кабул ителә һәм шәһәр һәм кәрәзле телефоннардан бушлай кабул ителә.

    Россия гадәттән тыш хәлләр министрлыгының ТР буенча Баш идарәсенең "ышаныч телефоны" 8 (843) 288-46-96