Чек бирелмәгән очракта әйбер сатып алырга ашыкмагыз!

2022 елның 22 гыйнвары, шимбә

    2019 елның 1 июленнән товарлар белән сәүдә итүче һәм хезмәт күрсәтүче барлык эшмәкәрләр һәм оешмалар исәп-хисап ясаганда касса аппаратларын кулланырга һәм касса чекларын бирергә тиеш. Сатучы чек бирмәсә, димәк, законны боза (салымнардан качып яисә легаль булмаган товар белән сәүдә итә) дигән сүз.
    Чек - сатып алуның дәлиле, ул гарантияле хезмәт күрсәтү яки товарны кире кайтару өчен кирәк. 

    Касса чегы алгач, сатып алучы «Федераль салым хезмәтенең чекларын тикшерү» мобиль кушымтасы ярдәмендә исәп-хисап турындагы мәгълүматның салым хезмәтенә тапшырылуын тикшерергә мөмкин. Бу кушымта шулай ук чекларны электрон рәвештә алырга һәм сакларга, сатучының легальлеген һәм намуслылыгын тикшерергә мөмкинлек бирә.