Чүпрәле районы Советының соңгы утырышы булды
28 августта өченче чакырылыш Чүпрәле районы Советының кырык җиденче, йомгаклау утырышы булды. Утырышны район Башлыгы Марат Гафаров алып барды. Район Советы утырышында ТР Дәүләт Советы депутаты Шакир Ягудин катнашты.
Утырыш барышында район Башлыгы урынбасары Алексей Ярухин депутатлар корпусы эшчәнлегенә йомгак ясады, актив иҗтимагый позиция, кертелгән тәкъдимнәр һәм ирешелгән нәтиҗәләр өчен барысына да рәхмәт белдерде. Ул билгеләп үткәнчә, биш ел эчендә Совет утырышында 195 мәсьәлә каралган һәм икътисад, төзекләндерү һәм бюджет сәясәте өлкәсендә җирле әһәмияттәге мәсьәләләрне хәл итәргә мөмкинлек бирә торган карарлар кабул ителгән.
"Депутатлар районның икътисади иминлегенә, үсешенә һәм халыкның тормыш сыйфатын яхшыртуга юнәлдерелгән тәкъдимнәрне һәм инициативаларны һәрвакыт хупларга әзер", - дип билгеләп үтте Алексей Ярухин.
Район Башлыгы Марат Гафаров шулай ук депутатлар корпусына ярдәм итүләре һәм нәтиҗәле эшләре өчен рәхмәт белдерде, сәламәтлек, иминлек, хезмәт һәм иҗтимагый эшчәнлектә уңышлар теләде.