Татарстан халыклары Ассамблеясе Башкарма комитеты җитәкчесе Константин Яковлев Чүпрәле районында булды

2020 елның 25 августы, сишәмбе

      Татарстан халыклары Ассамблеясе Башкарма комитеты җитәкчесе Яковлев Константин Геннадиевич эш визиты белән Чүпрәле районында булды. Визит барышында ул Чүпрәле районының барлык милли-мәдәни оешмалары вәкилләре белән танышты, анда һәр вәкиллек мини-чыгыш әзерләде.

     Алга таба Ассамблея эше, киләчәккә планнар турында фикер алыштылар.

      Константин Яковлев районнарда этнокультураны үстерергә, җирле туризмны оештырырга, төрле концертлар белән районнарга, регионнарга барырга кирәклеген билгеләп үтте.

     - Безгә традицияләрне дәвам итәргә, көнкүрешебезне саклап калырга һәм аларны яшь буынга тапшырырга кирәк. Бу безнең беренче чираттагы бурычыбыз, - диде Константин Геннадьевич үзенең чыгышында.