Чүпрәледә цеолит эшкәртү заводы ачыла
Июль 2013 елның аенда Чүпрәле районы Татар авылы Шатрашаны янында цеолит карьеры ачылган иде. Кичә Чүпрәленең район газетасы вәкиле цеолит эшкәртә торган завод территориясендә булып кайткан.
Заводның тантаналы ачылышына кадәр, төзелеше, җитештерү линияләре, гомумән, предприятиедә кулланылачак алдынгы технологияләрне проектның төп инвесторы, “ТатГазсервис” ачык акционерлык җәмгыятенең генераль директоры Аслан Хашиев, «ОНХ-Холдинг” җәмгытенең төзү монтажлау комплексын үстерү буенча директор урынбасары генераль Роберт Ханнанов, район башлыгы Александр Шадриков карап йөрделәр. Аларны завод белән “Идел буе цеолитлары“ ачык акционерлык җәмгыятенең генераль директоры Мансур Яруллин таныштырып йөрде, дип яза басма.
"Завод тулы куәтенә ел азагында эшләп китәчәк. Әлегә биредә беренче эшкәртү линиясе төзелде, якын көннәрдә аның икенчесен ясау эшенә керешәчәкбез. Нигездә, заводка кабул ителгән цеолит күп төрле продуктлар – терлекләргә ашату өчен коры кушылма, минераль-культура ашламалары, төзелеш өчен материаллар һәм башка чималларны җитештерү өлкәсендә кулланылачак. Заводта эшкәртеләчәк цеолитны 12 төрле юнәлештә кулланырга мөмкин булачак, әлегә. Һәм бу әлбәттә түгел чик. Тагын да төрле уйларыбыз, планнар бар", - дип фикерләре белән уртаклашты проектның төп инвесторы Аслан Хашиев.
Заводта урнаштырылган җиһазлар бер сәгатькә 20 тонна чималны эшкәртергә сәләтле. Әлбәттә, сорау-ихтыяҗ арткан саен, (ә бу киләчәктә булачак һичшиксез), заводта берничә сменда эшләү режимын кертәчәкләр икән. Һәм икенче линияне тоташтырып, көйләячәкләр.
"ОНХ-Холдинг” җәмгытенең төзү-монтажлау комплексын үстерү буенча директор урынбасары генераль Роберт Ханнанов предприятие дәрәҗәсен һәм югары бәяләде җитештерелгән продукциядә ихтыяҗ республикада гына түгел, ә Европа күләмендә булачагын әйтте, заводның үсәчәгенә зур ышаныч белдерде, диелә район басмасы язмасында.