Татарстан Гидрометеорология һәм әйләнә-тирә мохитне күзәтү идарәсекүпчелек районнарда яңгыр фаразлый, кайбер районнарда - яшенле яңгыр
Татарстан синоптиклары фаразлары буенча иртәгә һава торышы бозыла: төнлә, иртән һәм көндез күпчелек районнарда көчле яңгыр көтелә. Кайбер районнарда - яшенле яңгыр. Шулай ук җил көнбатыштан, төньяк-көнбатыштан, уртача тизлектә, секундына 15-20 метрга кадәр дип хәбәр итә ТР Гидрометеорология һәм әйләнә-тирә мохитне күзәтү идарәсе.
Киләсе төндә республика буенча температура 8-13 градус, Татарстанның көнчыгышында - 16 градуска кадәр җылы. Көндез 12-17 градус, көнчыгыш районнарда температура 20 градуска кадәр күтәрелергә мөмкин.
Казанда 1 сентябрьдә төнлә яшен һәм көчле яңгыр, көндез - урыны белән. Башкалада температура төнлә 9-11 градус җылы, көндез - 13-15.
2 сентябрьгә каршы төндә Татарстанның күпчелек районнарында яңгыр көтелә. Җил төньяк-көнбатыштан, уртача тизлектә, әмма көчәергә дә мөмкин. Иң югары температура 7-12 градус җылы тәшкил итәчәк.
(Казан, 31 август, «Татар-информ»)