Милеккә җир рәсмиләштерсәң – ызанлауга субсидия аласың

Авыл хуҗалыгы билгеләнешендәге җирләрдән милек итеп рәсмиләштерелгән (рәсмиләштерү срогына бәйсез рәвештә) җирләрне ызанлау өчен крестьян (фермер) хуҗалыклары башлыкларына һәм шәхси эшкуарларга билгеләнгән тәртип нигезендәсубсидияләр бирелә (Россия Федерациясе Хөкүмәтенең 2011 елның 31 октябрендәге 874 номерлы карары, 2014 елның 26 декабрендәге 1522 номерлы карары белән кертелгән үзгәрешләр белән; ТР МКның 2015 елның 26 февралендәге 120 номерлы карары, ТР МКның 2015 елның 14 августындагы 590 номерлы карары редакциясендә).

Компенсациянең гомуми суммасы гектарга 560 сум тәшкил итә (чыгымнар чикләрендә), шул исәптәнфедераль бюджеттан - 392 сум/га, республика бюджетыннан - 168 сум/га.

Субсидияне авыл хуҗалыгы билгеләнешендәге җирләрне милек итеп рәсмиләштергән КФХ башлыклары һәм шәхси эшкуарлар (ИП) түбәндәге очракларда алалар:

- хуҗалыкка милек итеп биләү, даими (вакыты чикләнмичә) биләү, гомерлек мирас итеп биләү хокукында яисә сатып алу хокукы белән арендалау хокукында бирелгән җир кишәрлекләренең чикләрен төгәлләштерү;

- КФХ һәм ИПларга милекчелек хокукында һәм сатып алу хокукы белән арендалау хокукында бирелгән җир өлешләре исәбенә җир кишәрлекләре булдыру.

Субсидияләр алу өчен Татарстан Республикасы муниципаль районындагы Авыл хуҗалыгы һәм азык-төлек идарәсенә түбәндәге документлар белән мөрәҗәгать итәргә кирәк: субсидия бирү турында гариза (түләү реквизитларын һәм почта адресын күрсәтеп), шулай ук төп нәсхәләре һәм күчермәләре белән документлар:физик затны шәхси эшкуар буларак дәүләт теркәвенә алу турында таныклык яисә крестьян (фермер) хуҗалыгын дәүләт теркәвенә алу турында таныклык, кадастр эшләрен башкару шартнамәсе, башкарылган кадастр эшләре акты, кадастр эшләрен башкарган өчен түләү фактын раслый торган, банк тарафыннан таныкланган түләү документы, җир кишәрлегенең кадастр паспорты, җир кишәрлегенә милекчелек хокукын теркәү турында таныклык (төп нөсхәләр, тикшерелгәннән соң, мөрәҗәгать итүчегә кире кайтарыла, ә күчермәләр документларны кабул итүче тарафыннан таныклана).