Чүпрәле район башлыгы урак алдынгыларын бүләкләде

2015 елның 25 августы, сишәмбе
Басуларда иртә культураларны суктыру нигездә төгәлләнде. Хәзерге вакытта игенчеләрнең төп хезмәте- сабан бодае, солы һәм карабодай басуларында.

Урып-җыю чорында басуга игенче-комбайнчылар янына килеп, алдынгыларны бүләкләү районда матур традициягә әйләнде. 23 август көнне район башлыгы Александр Шадриков белән авыл хуҗалыгы һәм азык-төлек идарәсе начальнигы Ирек Мөхәммәтҗанов урып-суктыру нәтиҗәләре буенча яхшы күрсәткечләргә ирешкән комбайнчыларны бүләкләүне “Ак Барс-Чүпрәле” агрофирмасының Зур Аксу филиалы басуларыннан башладылар.

Биредә алар Валерий Храмовка (ярдәмчесе Петр Храмов, “Нью-Холланд” комбайны) күчмә аләм, Мактау Грамотасы һәм акчалата бүләк тапшырдылар. Агрофирманың Иске Кәкерле филиалы комбайнчысы Геннадий Фадеев та (ярдәмчесе Николай Фадеев, “Нью-Холланд комбайны) күчмә аләмгә, бүләккә һәм Мактау Грамотасына лаек булды.

“Цильна” җәмгыятеннән 13 мең центнер чиген узып киткән комбайнчылар Илдус Замдихановка (ярдәмчесе Илнар Замдиханов, “Тукано” комбайны) һәм Рәфикъ Шәйдулловка (ярдәмчесе Ильяс Шәйдуллов, “Тукано” комбайны), 12 мең центнерга якын бөртек суктырган Илгиз Миначевка (ярдәмчесе Ильмир Замдиханов, “Класс-Мега” комбайны) да күчмә аләм, акчалата бүләк һәм Мактау Грамотасы тапшырылды. 


Римма МӘҮЛЕТОВА
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгате
Телефон: 8(84375)2-21-70
Факс: 8(84375)2-22-71
E-Mail: chuprale@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International