Татарстанның 7 меңнән артык укучысы Республика Яңа ел чыршысына әзерләнә

2014 елның 12 декабре, җомга
21 декабрь көнне 13 сәгатьтә Казанның “Татнефть-Арена” боз сараенда Республика Яңа ел чыршы бәйрәме узачак.

Тамашага 7-11 сыйныфларда белем алучы 7 меңнән артык укучы - мәктәпләрдә җәмәгать тормышы лидерлары, уку алдынгылары, фестиваль һәм спорт ярышлары җиңүчеләре, ятим балалар һәм балалар йортларында тәрбияләнүчеләр, шул исәптән Татарстанның барлык муниципаль берәмлекләреннән 2 мең укучы чакырылган.

Быелгы Чыршы бәйрәменең темасы - “Нәрсә соң ул Яңа ел, яки бер кар бөртеге тарихы”. Бу әкият һәркайсыбызның тылсымчы була алуы турында сөйли. Тамашада сәхнә тормышына өйрәнүче 800 гә якын бала катнашачак. Шоуны хореографик һәм вокаль ансамбльләр, фигуристлар чыгышы бизәячәк. Ә'кичәнең төп сюрпризы буларак популяр төркем концерты әзерләнә, аның исеме әлегә сер булып саклана. Тамашага килгән һәр бала татлы күчтәнәч белән кайтып китәчәк.

Һава торышы начар булган очракта, Татарстанның ерак муниципаль районнарыннан килгән тамашачылар өчен “Патриот” Республика үзәгендә һәм “Идел” яшьләр үзәгендә урыннар әзерләнгән, дип хәбәр итә ТР Яшьләр эшләре һәм спорт министрлыгының матбугат хезмәте.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгате
Телефон: 8(84375)2-21-70
Факс: 8(84375)2-22-71
E-Mail: chuprale@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International