Чүпрәле муниципаль районы

Марат Әхмәтов: «Авыл хуҗалыгы тармагының үсеше АПК хезмәткәрләрен матди кызыксындыруга бәйле”

2014 елның 5 декабре, җомга

Кичә Татарстан Республикасы Авыл хуҗалыгы һәм азык-төлек министрлыгында 2014 елда “ТР агросәнәгать комплексының иң яхшы белгече” II республика конкурсында җиңүчеләрне бүләкләү тантанасы булды. Авыл хуҗалыгы предприятиеләренең һәм агрохолдингларның баш белгечләренә: ветеринария табибларына, зоотехникларга, агрономнарга, икътисадчыларга һәм бухгалтерларга 100 мең сум күләмендә грантлар алуга дипломнар тапшырылды. Белгечләрнең һәр төркеме 33 кешедән тора иде.

Бүләкләү тантанасы алдыннан конкурста җиңүчеләр алдында Татарстан Республикасы Премьер-министры — Татарстан Республикасы авыл хуҗалыгы һәм азык-төлек министры Марат Әхмәтов чыгыш ясады, ул, бүген Игенчеләр саренда Татарстан агросәнәгать комплексының алтын фонды җыелган, дип билгеләп үтте. Министр әйтүенчә, еш кына җитештерүдәге баш технологның фикере һәм бәясе игътибарсыз кала, шуның аркасында тармак аксый.

«Шуңа бәйле рәвештә, узган елдан башлап, Татарстан Республикасы Президенты белән килештереп, без Татарстан Республикасы агросәнәгать комплексы белгечләренең хезмәте лаеклы бәяләнергә тиеш дигән карарга килдек”.

Министр шулай ук, тантанага чакырылганнарның һәркайсының хезмәтен бәяләп: “Сез безнең авыл хуҗалыгы җитештерүенең алдынгы сафында торасыз”, - дип өстәде. Бу сүзләре ул ветеринария табибларының, зоотехникларның, агрономнарның, икътисадчыларның һәм бухгалтерларның эшчәнлегенә югары бәя бирде.

Дипломнар тапшыру вакытында Марат Әхмәтов, аның урынбасарлары һәм ведомство җитәкчеләре икътисадның аграр секторы белгечләренә котлау сүзләре әйттеләр, матур теләкләр теләделәр. Олырак яшьтәге белгечләргә үзләренә лаек булырлык алмаш әзерләргә кирәк, дигән теләк тә белдерделәр. Инженер-механиклар алга таба да компьютерлар белән җиһазландырылган чит ил машиналарын үзләштерәчәкләрен әйттеләр.

Икътисадчыларга аерым бирем бирелгән иде. Татарстан Республикасы Авыл хуҗалыгы һәм азык-төлек министрлыгы башлыгы әйтүенчә, Татарстан Республикасы агросәнәгать комплексының уңышы бу төркем белгечләрнең эшчәнлегенә аеруча бәйле. “Сез авыл хезмәтчәннәрен матди кызыксындыру системасын эшләргә тиеш. Авыл хуҗалыгы тармагының үсеше АПК хезмәткәрләрен матди кызыксындыруга бәйле”, - дип нәтиҗә ясады министр.

БАРЛЫК ЯҢАЛЫКЛАРНЫ УКУ