Казанда татар хатын-кызлары форумы узды

2014 елның 22 мае, пәнҗешәмбе
15–17 май көннәрендә Казан шәһәрендә Бөтендөнья татар хатын-кызлары форумы узды. Әлеге форум икенче тапкыр үткәрелә.

Форум  Татарстаннан, Россия Федерациясе төбәкләреннән, чит илләрдән дә,  үз милләте,  теле, мәдәнияте өчен җан атып йөргән 500гә якын татар кызларын, апаларын, ак әбиләрен җыйды.

Форум барышында  көн кадагындагы мәктәпкәчә яшьтәге балаларны  милли рухта тәрбияләү, сөйләм телләрен үстерү; татар телендә белем алуның өстенлекле яклары; балаларга патриотик һәм әхлак тәрбиясе бирү; гаиләдә дәү әти-дәү әни һәм әти-әни тәрбиясе; инсанны тәрбияләүдә балалар китабының әһәмияте турында һәм башка тәрбия, әхлак, миллилек темасын яктырткан чыгышлар тыңланды.

Кайсы өлкә, кайсы ил вәкиле белән генә сөйләшсәң дә барысының    да теләкләре бер:  “Телебез, динебез, милләтебез югалмасын иде! Үзебезнең милли киемнәребезне киеп горурланып йөри алсак иде! Балаларыбыз, оныкларыбыз татар булулары белән горурланып яшәсәләр иде!”-диләр алар.


Гөлфия ЯФИЗОВА, Чүпрәледәге “Ак калфак” татар хатын-кызлары оешмасы җитәкчесе.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгате
Телефон: 8(84375)2-21-70
Факс: 8(84375)2-22-71
E-Mail: chuprale@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International