Газ гамьсезлекне гафу итми
Район эксплуатация-газ хезмәте белгечләре үз киңәшләрен бирә:
- Газ җиһазларын кулланыр алдыннан бүлмәгә һава кертегез һәм һава агымын тәэмин итегез. Газ җиһазлары эшләгән вакытта форточканы ачык калдырыгыз.
- Газ җиһазларының, морҗаларның һәм вентиляциянең нормаль эшләвен күзәтеп торыгыз, янып бетү продуктларын морҗага чыгара торган газ җиһазларын кабызганчы һәм эшләгән вакытта тартымны тикшерегез. Тартым булмаганда газ җиһазын куллану катгый тыела!
- Газ җиһазлары бозылган очракта, газ җиһазларына техник хезмәт күрсәтү турында килешү төзелгән махсуслаштырылган оешма хезмәткәрләрен чакыртыгыз.
- Бүлмәләрне җылыту, киемнәрне киптерү һәм шуңа охшаш максатларда газ плитасын кулланмагыз.
- Мәктәпкәчә яшьтәге балаларга газ җиһазларын кулланырга рөхсәт итмәгез.
- Эшләп торучы газ җиһазларын күзәтүсез калдырмагыз.
- Күпфатирлы торак йортларда морҗалар һәм вентиляция каналларын тикшерү белән идарәче оешмалар шөгыльләнергә тиеш булганга күрә, махсуслаштырылган оешмаларга әлеге җиһазларны тикшерү өчен керү мөмкинлеге бирегез.
- Газ җиһазларыннан төтен чыгару торбаларын вентиляция каналларына тоташтырмагыз.
Практика күрсәткәнчә, йорт эчендәге газ җиһазларына вакытында техник хезмәт күрсәтү сәламәтлек, мөлкәт югалту белән генә түгел, ә гомер белән дә бәйле очракларны минимумга җиткерергә сәләтле!
Газ исе сизгәндә, газ хезмәте хезмәткәрләре гражданнарга киңәш итә:
- Газ җиһазларын кулланудан шунда ук туктагыз.
- Җиһазларда һәм аларга тоташкан газүткәргечләрдә кранны ябыгыз.
- Бүлмәне җилләтү өчен тәрәзәләрне һәм форточкаларны ачыгыз.
- Электр җиһазларын (яктырткычларны, стационар һәм мобиль телефоннарны, электр кыңгырауны һ.б.) кабызмагыз һәм сүндермәгез, һәм тәмәке тартмагыз.
- Фатирдан барысын да чыгарыгыз һәм үзегез дә чыгыгыз..
- Газсыз урыннан авария газ хезмәтенә 04, 104 (мобиль телефоннан) телефоны буенча яки ашыгыч хезмәтләрне чакыртуның бердәм номеры - 112 буенча хәбәр итегез һәм авария газ хезмәте диспетчерының инструкцияләрен үтәгез.
Районыбыз халкына торакларда һавадагы ягулык газлары һәм угар газы дәрәҗәсен контрольдә тоту өчен газ сигнализаторы урнаштыруны тәкъдим итәм. Җиһазның ябу клапаны белән җиһазландырылуына игътибар итегез. Газ агып чыккан яки янып бетү продуктларының концентрациясе артып киткән очракта, тавыш сигналы ишетелер, ә клапан газны ябачак. Сигнализаторның паспорты һәм сертификаты булырга тиеш, аны әлеге төр эшләргә рөхсәт ителгән оешмалар гына урнаштыра ала. Газ җиһазларын куллану кагыйдәләрен үтәү - иминлек, үз гомерегезне һәм якыннарыгызның гомерен саклап калуның нигезе, - ди Чүпрәле РЭГС начальнигы Р.А. Сәбирҗанов.