Татарстанда «ЭКОлидер-2025» республика конкурсына гаризалар кабул итү башланды

Татарстан Экология һәм табигый байлыклар министрлыгы ел саен үткәрелә торган «ЭКОлидер» республика конкурсына гаризалар кабул итә башлау турында игълан итте. Конкурста республиканың предприятиеләре, оешмалары, иҗтимагый берләшмәләре һәм актив гражданнары катнаша ала.

Конкурс 2004 елдан бирле үткәрелә һәм Татарстанның әйләнә-тирә мохитен саклауга зур өлеш кертүчеләрне ачыклауга һәм бүләкләүгә юнәлдерелгән. Җиңүчеләр экология өлкәсендәге казанышларын тану гына түгел, киң аудитория белән уңышлы практикалар белән уртаклашу мөмкинлеген дә алалар.

Конкурска гаризалар 2025 елның 1 сентябреннән 15 ноябренә кадәр eco.pros@tatar.ru  электрон почтасы аша кабул ителә. "ЭКОлидер" — оешмалар һәм гражданнар өчен үзләренең экологик принципларга тугрылыкларын күрсәтү һәм туган якның тотрыклы үсешенә өлеш кертү өчен менә дигән мөмкинлек.

Экологик инициативалар Татарстан Республикасының табигать ресурсларын саклауга, хәзерге һәм киләчәк буыннар өчен уңайлы әйләнә-тирә мохит булдыруга юнәлдерелгән үсеш стратегиясенең мөһим өлеше булып тора.

Конкурсның барлык нечкәлекләре ТР Экология министрлыгы сайтында: https://eco.tatarstan.ru/2025-8618269.htm

Җиңүчеләрне бүләкләү 2025 елның декабрендә булачак.

Конкурска кушылыгыз һәм республиканың экологик хәрәкәтенең бер өлеше булыгыз!