Татарстан Республикасы Чүпрәле муниципаль районы пенсионерлары ату турнирында төгәллек буенча ярыштылар

3 октябрьдә «Форпост» оешмасы «Чемпион» спорт комплексында Өлкәннәр декадасына багышланган пневматик пистолеттан ату буенча пенсионерлар арасында турнир үткәрде.

Ярышларда катнашучыларны Башкарма комитет җитәкчесенең социаль мәсьәләләр буенча урынбасары Айрат Җәлалов сәламләде. Турнирда шулай ук Россия Пенсионерлар берлеге бүлекчәсе рәисе Дилүзә Азизова да катнашты.

Турнирда 16 спортчы катнашты, алар мишень буенча 10 метр ераклыкта ут чигеннән күнегүләр башкардылар, үзләренең һөнәри осталыкларын һәм снайперлык сәләтләрен күрсәттеләр.

Ату җитәкчесенең командасы буенча катнашучылар башта 3 тапкыр сынап карадылар, аннары 5 тапкыр исәп буенча аттылар.

Иң төз атучы исеме өчен хатын-кызлар да, ир-атлар да көч сынашты.

Хатын — кызлар арасында шәхси зачет нәтиҗәләре буенча Илсөяр Хәертдинова җиңүче булды, икенче урынны Рәмзия Рәкыйпова, өченче урынны Галина Матросова алды.

Ир-атлар арасында Мансур Хәйруллин җиңү яулады, икенче урында Ринат Рәкыйпов, өченче урында Геннадий Шленский.

Ярышларда җиңүчеләрнең һәм призерларның барысы да грамоталар һәм бүләкләр белән бүләкләнде.

Ярышларда катнашучылар күрсәткән нәтиҗәләр ГТО комплексы нормативларын үтәү исәбенә керәчәк.

ГТО комплексы «Россия спорты» дәүләт программасы кысаларында гамәлгә ашырыла.