Татарстан Республикасы Чүпрәле муниципаль районының Иске Чүпрәле авылында яшәүче Шәүкәт Алимов 85 яшьлек юбилеен билгеләп үтә
Иске Чүпрәле авылында яшәүче Шәүкәт Иниятулла улы Алимов 2025 елның 15 июлендә 85 яшьлек юбилеен билгеләп үтте.
Бу көнне ул «Чүпрәле районы дәүләт ветеринария берләшмәсе» ДБУ башлыгы-баш табибы Рәсим Низамовтан һәм коллективтан җылы котлау сүзләре кабул итте.
Рәсим Низамов шәхсән үз исеменнән һәм бөтен коллектив исеменнән хезмәт ветеранын юбилее белән котлады һәм аңа Рәхмәт хаты һәм бүләкләр тапшырды.
-Хөрмәтле Шәүкәт Иниятулла улы! “Чүпрәле районы дәүләт ветеринария берләшмәсе” ДБУ коллективы сезне 85 яшьлек юбилеегыз белән чын күңелдән котлый! Сезгә бәяләп бетергесез хезмәтегез, ветеринария буенча эшкә намуслы мөнәсәбәтегез, куелган бурычларны үтәүдә таләпчәнлегегез һәм принципиальлегегез, җаваплылыгыгыз һәм башкаручанлыгыгыз өчен ихлас рәхмәтебезне белдерәбез. Сезне көчегезгә ышаныч, оптимизм хисе беркайчан да ташламасын дип телибез. Нык сәламәтлек, гаилә бәхете һәм һәр эшегездә иминлек телибез. Сезнең югары профессионализмыгыз, сизгерлегегез, кайгыртучанлыгыгыз һәрчак югары бәяләнсен. Сезнең кылган яхшылыгыгыз күп тапкырлар арттырылып кире әйләнеп кайтсын, - диде Рәсим Низамов хезмәт ветеранын котлаганда.
Алимов Шәүкәт Иниятулла улы 1940 елның 15 июлендә Татарстан Республикасы Чүпрәле районының Зур Чынлы авылында туа. Н.Э. Бауман исемендәге Казан дәүләт институтын тәмамлый (1963 ел). Институтны тәмамлагач, ЧувашияАССРның өлкән ветеринария табиб-терапевты булып эшкә алына (1968 ел). Армиядән соң, 1977 елда Иске Шайморза авылында XXII партсъезд исемендәге колхозда баш ветеринария табибы булып эшли. Төрле елларда Ульяновск өлкәсенең Цильна районы «Победа» колхозында баш ветеринария табибы булып эшли, 1984 елда Чүпрәле районы җитештерү идарәсендә Баш ветеринария табибы итеп күчерелә, аннары 1984 елда район ветеринария станциясенең өлкән ветеринария табибы-эпизотологы итеп билгеләнә.
Шәүкәт Иниятулла улы яхшы хезмәте өчен ЧувашияАССР БАТЫРЕВСК РВС Рәхмәт хатлары белән бүләкләнә (1964). 1967 елда беренчел учакта ящурны юк иткән өчен ЧувашияАССР авыл хуҗалыгы министрының Рәхмәт хаты белән бүләкләнә. 1965 елда «1941-1945 еллардагы Бөек Ватан сугышында Җиңүгә егерме ел» юбилей медале белән бүләкләнә. 1970 елда «В.И. Ленинның тууына 100 ел тулу уңаеннан хәрби батырлык өчен» юбилей медале белән бүләкләнә. Ул хезмәт ветераны.
Шәүкәт Иниятулла улы кунакларның-хезмәттәшләренең килүенә бик шат иде һәм аларга котлаулары өчен зур рәхмәт сүзләрен җиткерде.