Олимпиадада Чүпрәле укучыларының чираттагы уңышы

2024 елның 8 феврале, пәнҗешәмбе

Олимпиадада чираттагы уңыш

Республика олимпиада үзәгенең «Дуслык» сәламәтләндерү-белем бирү комплексы базасында татар телендә белем бирүче мәктәп укучылары өчен туган (татар) әдәбият буенча республика олимпиадасының йомгаклау этабы узды.

Олимпиадада “З.М. Арысланов исемендәге Кече Чынлы урта гомуми белем бирү мәктәбе”нең 7 сыйныф укучысы Сафиуллова Дилә катнашты, ул әлеге фән буенча призлы урынны алды.

Укытучысы Әхмәдуллова Зөбәрҗәт Мәсгут кызы Татарстан Республикасы Мәгариф һәм фән Министрлыгы грамотасы белән бүләкләнгән.

Дилә белән Зөбәрҗәт Мәсгут кызын лаеклы җиңүләре белән котлыйбыз һәм алга таба да уңышлар телибез!