Алабугада «Алабуга-skills» ачык республика һөнәри осталык конкурсы узачак

2024 елның 18 гыйнвары, пәнҗешәмбе

Алабугада 5-9 февральдә «Алабуга-skills» ачык республика һөнәри осталык конкурсы узачак. Конкурс эшче һөнәрләрне популярлаштыру, яшьләрдә сайланган һөнәр белән кызыксынуны үстерү һәм үз тармакларында иң яхшы белгечләрне ачыклау максатыннан үткәрелә.

Быел конкурс 24 номинация буенча узачак.

Конкурсны оештыручылар: Татарстан Республикасы сәнәгать һәм сәүдә министрлыгы; Алабуга муниципаль районы Башкарма комитеты; «Алабуга политехник колледжы» дәүләт автоном һөнәри белем бирү учреждениесе һәм «Алабуга» сәнәгать-җитештерү тибындагы махсус икътисадый зона» акционерлык җәмгыяте.

Катнашу өчен гаризалар 2024 елның 29 гыйнварына кадәр электрон адрес буенча кабул ителә: konkursalabuga@mail.ru. элемтә телефоны: 8(85557)4-48-95,4-48-97.