Мобилизацияләнгәннәргә салым түләү тәртибе үзгәрә
Русия Хөкүмәте Президентның 647 санлы Указы (21.09. 22) нигезендә өлешчә мобилизацияләү кысаларында хәрби хезмәткә чакырылган гражданнар өчен салым түләүне кичектерү расланды.
2022 елда мобилизацияләнгән гражданга җибәрелгән 2022 елның 1 декабренә кадәр түләнмәгән салым белешмәсен үтәү кирәк түгел.
Анда күрсәтелгән транспорт һәм җир салымнары, шулай ук физик берәмлекләр милкенә салым буенча бурыч барлыкка килмәячәк. 2022 елга кадәр булган салым салына торган милек өчен яңа салым белешмәсе мобилизацияләнгән кешегә салым органы тарафыннан хәрби хезмәттән кайту турында мәгълүмат алганнан соң җибәреләчәк.
Белдерүдә күрсәтелгән салымнарны өлешчә мобилизацияләү яки хәрби хезмәттән азат итү чоры тәмамланганнан соң, өченче айның 28нче числосыннан да соңга калмыйча түләргә кирәк булачак. Салымнарны гомум билгеләнгән тәртиптә дә, гомум сумманы 6 өлешкә бүлеп, тигез өлешләрдә түләргә мөмкин.
Чакырылган көненә мобилизацияләнгән граждан бердәнбер гамәлгә куючы (катнашучы) булган һәм бер үк вакытта бердәнбер башкарма орган функцияләрен башкара торган компанияләр өчен транспорт һәм җир салымнарын, оешмалар милкенә салымны һәм алар буенча аванс түләүләрен түләү сроклары да күчерелә. Әгәр оешманың салым түләү сроклары мобилизацияләнгән кеше хәрби хезмәт үткән чорга туры килсә, алар шулай ук өлешчә мобилизация яки хәрби хезмәттән азат итү чоры тәмамланган айдан соңгы өченче айның 28нче числосыннан да соңга калмыйча түләнә.
Мобилизацияләнгән гражданнарга күрсәтелгән ярдәм чараларын куллану өчен салым органнарына мөрәҗәгать итәргә кирәкми, чөнки алар турында мәгълүмат Русия Оборона министрлыгы һәм Русия Федераль салым хезмәте ведомствоара мәгълүмати хезмәттәшлек кысаларында киләчәк.
Россия Федераль салым хезмәте сайтында яңа промо бит ачылды: https://www.nalog.gov.ru/rn77/mobilization/. Анда мобилизацияләү кысаларында хәрби хезмәткә чакырылган гражданнар нинди ташламаларга ия булганлыгы турында җентекләп аңлатылган.
Әгәр кулланучының нинди дә булса сораулары калса, ул Россия Федераль салым хезмәтенә махсус сервис ярдәмендә яки 8-800-222-22-22 контакт-үзәк телефоны буенча мөрәҗәгать итә ала.