Чүпрәле тармак технологияләре техникумы студентлары «Автосессия» республика конкурсында 2 нче урынны яулады

2022 елның 30 сентябре, җомга

   Казанда яшь автомобилист-студентлар арасында «Автосессия» республика бәйгесенең финалы узды, анда республиканың 14 шәһәреннән һәм районнарыннан 42  укучы катнашты.

   Команда зачетында Россия дәүләт гадел хөкем университетының Казан филиалы укучылары җиңде. Икенче урынны Чүпрәле тармак технологияләре техникумы вәкилләре яулады. КНИТУ-КАИның Чистай филиалы курсантлары өченче булды.
   Шәхси зачетта беренче урынны Олег Герасимов, икенче урынны Кирилл Наумов яулады, өченче урынны Елизавета Заһидуллина яулады. Алар барысы да Россия дәүләт гадел хөкем университетының Казан филиалы укучылары.
   Җиңүчеләргә һәм призерларга кубоклар, медальләр, дипломнар һәм кыйммәтле бүләкләр тапшырылды.