«Ел инженеры» - 2022 III Республика конкурсына гаризалар кабул ителә башлады
«Ел инженеры» конкурсы уңай позицияне үстерүгә һәм массакүләм аңда инженер һәм эшче һөнәрләрне популярлаштыруга, шулай ук төбәк икътисадының төп тармакларындагы төп предприятиеләрне квалификацияле сәнәгый-җитештерү һәм инженер-техник персонал белән тәэмин итүгә зур өлеш кертергә тиеш.
Конкурста инженер белгечлеге алучы югары уку йортлары студентлары да, Татарстан Республикасы предприятиеләренең гамәлдәге/эшләүче инженерлары да (җитештерү процессларын, линияләрне үстерүгә өлеш кертүче инженер-конструкторлар, инженер-җитештерүчеләр һ.б.) өч категория буенча катнаша ала:
«Киләчәк инженерлар» - инженерлык белгечлеге студентлары;
«Яшьлек, уңыш, перспектива» – 35 яшькә кадәрге гамәлдәге инженерлар;
«Тәҗрибә, казанышлар, компетентлык» – 35 яшьтән узган гамәлдәге инженерлар.
Гаризалар 2022 елның 17 октябренә кадәр кабул ителә.
Конкурс 2 этапта үткәрелә: читтән торып һәм турыдан-туры. Беренче этап кысаларында гариза бирү кампаниясен үткәрү һәм турыдан-туры этапта катнашу өчен гаризалар сайлап алу буенча эксперт конкурс комиссиясе эше планлаштырыла. Икенчесе ике көнлек күчмә семинар булачак, анда мастер-класслар, тренинглар уздыру, республика җитәкчелеге белән очрашу һәм эшләрне яклау каралган.
Конкурс номинацияләре республика икътисадының әйдәп баручы тармакларына туры килә:
Машина төзелеше (авиатөзелеш, суднолар төзелеше, приборлар төзү һ.б.);
Радиоэлектроника, элемтә, оптика;
Химия, нефть химиясе, биотехнологияләр;
Нефть сәнәгате;
Газ сәнәгате;
Энергетика;
Җиңел, агач эшкәртү, целлюлоза-кәгазь сәнәгате;
Медицина сәнәгате;
Азык-төлек һәм эшкәртү сәнәгате;
Төзелеш, төзелеш материаллары сәнәгате;
Транспорт, юл хуҗалыгы;
Авыл хуҗалыгы.
Конкурс турында нигезләмә һәм барлык кирәкле мәгълүмат Татарстан Республикасы сәнәгать һәм сәүдә министрлыгының рәсми сайтында урнаштырылган. Сылтама: http://mpt.tatarstan.ru/rus/respublikanskiy-konkurs-inzhener-goda.htm.
Конкурста катнашу өчен конкурсның рәсми сайтында шушы сылтама буенча https://инженеррт.рф/#register теркәлергә кирәк, шуннан соң Татарстан Республикасы сәнәгать һәм сәүдә министрлыгының эш башкару һәм контроль бүлегенә (420111, Казан шәһәре, Островский ур., 4 йорт) конкурс турындагы Нигезләмә нигезендә документлар оригиналларын тәкъдим итәргә.