Район башлыгы Марат Гафаров Укытучылар көненә багышланган тантаналы чараларда булды
Марат Гафаров педагогларны, ветеран укытучыларны бик җылы котлады.
- Алтын көзгә иң матур бәйрәм Укытучылар көне туры килә һәм аны барысы да бәйрәм итә. Чөнки безнең һәрберебез үз юлын зур тормышка беренче дәрестән башлый, беренче укытучыдан. Сезнең хезмәтегез эш кенә түгел, ул сәнгать, авыр, җаваплы, әмма бик игелекле. Укытучылар башкарган эшләр иң ихлас хөрмәткә һәм рәхмәткә лаек,-дип билгеләп үтте район башлыгы, укучылар һәм ата-аналар исеменнән рәхмәт сүзләре җиткерелде. Нәкъ менә шушы мәктәпләрдә быел капиталь ремонт үткәрелгән һәм хәзер биредә уңайлы, җылы һәм якты. Әлбәттә, төзүчеләргә, «Стройград» ширкәтенә рәхмәт сүзләре җиткерелде.
Яңа Кәкерле төп гомуми белем бирү мәктәбе укытучылары ветераннары бүгенге шартлар аларның педагогик эшчәнлеге чорында да кимемәгәнлеген билгеләп үттеләр. Ветеран укытучы Зәйнәп апа Насыйбуллина, Сәрия апа Камалова һәм Сәрия апа Хәлимова туган мәктәбенә буш кул белән килмәгән. Алар картиналар һәм чәчәкләр бүләк иттеләр.
Укытучылар адресына котлау һәм теләкләр белән Башкарма комитет җитәкчесе вазифаларын башкаручы Данис Сатдинов, мәгариф бүлеге җитәкчесе Илсур Халитов, мәктәп директорлары Фәрит Нәүмәтов һәм Шамил Абдрахманов авыл җирлекләре башлыклары һәм башка кунаклар чыгыш ясады. Укытучыларга һәм ветераннарга нык сәламәтлек, оптимизм теләделәр.
Чыгышлар һәм котлаулар концерт номерлары белән үрелеп барды. Җырлар, шигырьләр, биюләр, чәчәкләр, елмаюлар һәм бүләкләр барысының да кәефе күтәренке иде.