Чүпрәле кызы "традицияләр варислары" фестивале финалисты дипломы белән бүләкләнде
Кадет мәктәбенең "Корабелы Пронежья" белем бирү үзәге базасында III Бөтенроссия «традицияләр варислары»балалар мәдәнияте фестивале узды. Конкурста Чүпрәле районыннан Людмила Сердцева һәм Үби урта мәктәбе укучысы Сердцева Анастасия катнашты
.Фестиваль Вологда өлкәсе территориясендә инде өченче ел рәттән Россия Федерациясе Мәгариф һәм фән министрлыгы тарафыннан Вологда өлкәсе Хөкүмәте белән берлектә оештырыла һәм үткәрелә. Фестиваль халык мәдәнияте һәм сәнгате өлкәсендә балаларның сәләтлелеген ачыклау, үстерү һәм аңа ярдәм итүгә юнәлдерелгән.
Өч көн дәвамында фестивальдә катнашучылар декоратив-гамәли иҗат, фольклор, халык костюмы һәм уенчыклар, традицион суднолар төзү өлкәсендәге осталыкларын күрсәттеләр, шулай ук Вологда өлкәсе традицияләре белән танышырга да өлгерделәр һәм фестивальнең башка кунаклары белән тәҗрибә уртаклашып кайттылар. «Фольклор» номинациясендә Сердцева Анастасия финалист дипломы һәм кыйммәтле бүләкләр белән бүләкләнде. Вологодчинада уздырылган фестиваль катнашучылары өчен мастерлык, аралашу һәм яңа хис-тойгылар белән сугарылган иҗат белән истә калачак!