ЯҢАЛЫКЛАР

Татарстан Республикасының социаль фонды дәүләт тәэминаты буенча пенсияләрне, шул исәптән социаль пенсияләрне дә кертеп, проактив рәвештә арттырачак; алар ел саен апрельдә индексацияләнә. Татарстанлыларга моның өчен беркая да мөрәҗәгать итәргә яки гариза бирергә кирәкми. Өстәмә түләүләр гадәти китерү графигы буенча керәчәк. Индексация дәрәҗәсе узган ел өчен пенсионерның яшәү минимумы үсешеннән чыгып билгеләнгән һәм 6,8% тәшкил итәчәк.

Татарстан Республикасы Икътисад министрлыгы MAX мессенджерында төп икътисади вакыйгалар, эшмәкәрлекне яклау программалары һәм республиканың инвестицион мөмкинлекләре турында оператив мәгълүмат бирү өчен рәсми мәгълүмат каналын эшләтеп җибәрде.

Республикада торак пунктларны чистарту буенча масштаблы кампания планы расланды. Тиешле боерыкны ТР Премьер‑министры Алексей Песошин имзалады. Икеайлык барлык муниципаль берәмлекләрне колачлый һәм 31 майда тәмамлана, йомгаклар 5 июньгә кадәр ясалачак.

Ана капиталына сертификат рәсмиләштерү цифрлы форматта гамәлгә ашырыла. Гражданлык хәле акты системасына бала туу турында мәгълүмат кергәннән соң, сертификат рәсмиләштерү процессы башлана. Әлеге мәгълүматлар автомат режимда  Россия Социаль фондына тапшырыла, анда эшкәртү уза,  шуннан соң әзер сертификат ата-ананың "Дәүләт хезмәтләре" порталындагы шәхси кабинетына җибәрелә. Кагыйдә буларак, капиталга хокук баланың әнисенә  рәсмиләштерелә, әмма аның ЕСИАда расланган исәп язмасы (идентификациянең һәм аутентификациянең бердәм системасы) булуы мәҗбүри шарт булып тора.

         «2020 елдан башлап Татарстанда ана капиталына сертификатлар рәсмиләштерүнең проактив форматы гамәлдә. Димәк, гаиләләргә фондка шәхсән гариза бирергә кирәкми - документ автомат рәвештә формалаштырыла. 2025 елда гына да  әлеге ысул белән республикада 19 388 электрон сертификат бирелде,” - дип аңлатты Татарстан буенча Социаль фонд бүлеге идарәчесе Эдуард Вафин.

          Сертификатның цифрлы версиясе чыгартып алу  өчен уңайлы, документның гамәлдә булу вакыты чикләнмәгән. Ана капиталын рәсмиләштерү вакытына сертификатта теркәлгән сумма күләме, шул исәптән калган акчаларны да кертеп, 1 февральдән ел саен индексацияләнә. Бу вакытта документка бернинди үзгәреш кертелми - сумманы үзгәртү автомат рәвештә бара. Капитал яки аның калган өлеше күләме турындагы актуаль мәгълүматларны теләсә кайсы вакытта дәүләт хезмәтләре порталыннан алырга мөмкин, анда онлайн форматта өземтә формалаштырыла һәм ул шунда ук ата-ананың шәхси кабинетына керә.

            Шунысын билгеләп үтәргә кирәк - ата-аналар капитал акчасын балаларны укытуга һәм карауга (шәхси балалар бакчасы, бала караучылар хезмәте, төп/өстәмә программалар

буенча укыту) юнәлдерергә мөмкин. Мәҗбүри шартлар: килешү кем белән төзелә, аның шәхси эшмәкәр статусы, белем бирү эшчәнлегенә гамәлдәге лицензиясе булуы һәм  хезмәт күрсәтүләр бәясенең төгәл хисабын  күрсәтеп Социаль фондка килешү тапшыру.

          2026 ел башыннан Социаль фондның төбәк бүлекчәсе республика дәүләт учреждениеләренең медицина хезмәткәрләрен гомуми суммасы 496 мең сумнан артык тәшкил иткән өстәмә акча белән тәэмин итте. Бу финанс ярдәме ай саен күрсәтелә һәм сәламәтлек саклау системасында хезмәт итүче 29 меңнән артык кешене колачлый.

          Әлеге түләүләр амбулатор звенода һәм ашыгыч ярдәм күрсәтү хезмәтендә эшләүче докторлар һәм шәфкать туташлары өчен аеруча әһәмияткә ия. Нәкъ менә шушы белгечләр пациентларның төп агымы белән очраша һәм даими интенсив хезмәт режимында эшли. Түләүләрнең төгәл күләме 4,5 – 50 мең сум чикләрендә тирбәлә, бу сумма хезмәткәрнең категориясенә,  ул эшли торган медицина учреждениесенең профиленә  турыдан-туры бәйле.

            Әлеге түләү тәҗрибәле белгечләр өчен дә, сәламәтлек саклау оешмаларындагы ачык вакансияләрдә күптән түгел генә эшли башлаган яшь табиблар һәм шәфкать туташлары өчен дә   каралган.

           Түләү процедурасы түбәндәгечә: медицина оешмалары җитәкчелеге ай саен үз хезмәткәрләренең реестрын әзерли һәм электрон рәвештә юллый. Бу документта хезмәткәр, аңа  тиешле сумма, шулай ук хисап өчен нигез булган эшчәнлек күрсәткечләре турында шәхси мәгълүматлар бар. Акча хезмәткәрләрнең банк счетларына  Социаль фонд  структуралары тарафыннан җиде эш көненнән артмаган срокта күчерелә. Хезмәткәрнең "Дәүләт хезмәтләре" порталындагы  шәхси кабинетында акча күчерү турында  белдерү барлыкка килә.

            Шуны да билгеләп үтү мөһим, әлеге социаль түләүләр өлешчә мәшгульлек шартларында эшләүче медицина хезмәткәрләре өчен дә каралган. Моннан тыш, бу акчалар физик затлар керемнәренә салым салудан азат ителгән һәм хезмәткәрнең уртача хезмәт хакын санаганда исәпкә алынмый.

               «2026 ел башыннан безнең ведомство тарафыннан төбәк медицина хезмәткәрләренә 496 мең сумнан артык акча юнәлдерелде. Әлеге махсус түләүләр медицина хезмәткәрләренең авыр хезмәте өчен сизелерлек ярдәм һәм яшь кадрларны сайлап алынган һөнәрләрендә беркетү өчен кызыксындыру факторы  булып тора», - дип шәрехләде Россия Социаль фондының Татарстан Республикасы буенча бүлеге җитәкчесе Эдуард Вафин.

Хөрмәтле гражданнар! “Татарстан Республикасының гидрометеорология һәм әйләнә-тирә мохитне мониторинглау идарәсе” ФДБУнән 2026 елның 27 мартында 22 сәгатьтән 28 мартның 10 сәгатенә кадәр метеорологик күренешләрнең интенсивлыгы турында консультация-кисәтү

Почта хезмәткәрләре Татарстаннан яшь рәссамнарны Бөтенроссия балалар рәсеме конкурсында катнашырга чакыра. Иң яхшы иҗади эшне почта маркалы нәфис открыткасына урнаштырачаклар. Конкурсны апостол Андрей Первозванный Фонды һәм «Марка» АҖ — Россия Почтасының бүлендек компаниясе оештырды.

Һәр елны язгы кыр эшләре башланыр алдыннан кырларда хуҗалыкларның әзерлеген тикшерү уза

Исегезгә төшерәбез, «Служение» Бөтенроссия премиясе финалына Татарстаннан ике проект чыкты. Алар җиңү өчен бөтен Россиядән 100 дән артык проект белән көрәшәчәк. Әйдәгез алар өчен тавыш бирик.

Еллык декларация кампаниясе дәвам итә, аның барышында 2025 елда керем алган гражданнар үз керемнәрен Россия Федераль салым хезмәтенең «Физик затлар өчен шәхси кабинет» интерактив сервисы аша тиз һәм уңайлы декларацияли алалар ( clck.ru/3NNUxt).

Декларация бирү процедурасы бик гади һәм минималь күләмдә гамәлләр таләп итә, барысы да онлайн һәм интуитив аңлашыла. Сервис кулланучылары интерактив режимда 3-НДФЛ декларациясен әзерләргә һәм аны турыдан-туры шәхси кабинет аша раслаучы документлар белән бергә җибәрергә мөмкинлек ала. Декларацияне имзалау өчен сервис эчендә тутырыла торган бушлай электрон имза кулланыла.