Татарстанда социаль ипотека программасы модернизацияләнә

Татарстаннан 91 мең гаилә социаль ипотека программасы эшләгән елларда торак шартларын яхшыртты. Торак программасына ихтыяҗ гаять зур. Узган ел Татарстанда да гына социаль ипотека программасы буенча 6 меңләп фатир булган 635 йорт төзелгән.

“Татар-информ” мәгълүмат агентлыгы корреспондентына Татарстан Президенты карамагындагы Дәүләт торак фонды мәгълүмат сәясәте төркеме җитәкчесе Гүзәл Рәхмәтуллина дәүләт программасын тормышка ашыру быел да барачагын, шул ук вакытта торак квадрат метрлары өчен дә бәя артмавын билгеләп үтте.

“Күптән түгел 150 гаилә Дәүләт торак фонды беренчел исемлегеннән төп реестрга күчерелде. Аларның 103е - Чаллыдан, 10сы - Азнакайдан, 5есе - Зәйдән, 14е - Лениногорскидан, 13е - һәм Лаештан 5есе - Мамадыш районыннан. Өч ел эчендә аларга уңайлыклары булган яңа торак биреләчәк”, - дип җиткерде “Татар-информ” мәгълүмат агентлыгы әңгәмәдәше.

Республика социаль ипотека программасы даими рәвештә камилләшә бара. Хәзерге вакытта Татарстан Министрлар Кабинеты карарына үзгәрешләр кертү мәсьәләсе карала. Анда нотариаль килешү нигезендә социаль ипотекада катнашучылар гаилә әгъзалары өлешен билгели ала. Хәзерге вакытта фатир бәясен түләп бетергәндә, кешеләргә пайны тигез күләмдә кертү турында белешмә бирелә.

2017 елда Татарстанда программаны тормышка ашыруга 17,6 млрд сум акча каралган. Әлеге акчалар 10 меңләп фатирлы 223 йортны, 2018 елда 13 меңләп фатирны сафка бастырырга мөмкинлек бирә. Шулай ук 2019 елда 9 меңләп фатир проект-смета документациясе әзерлеге карала.