Бүген - Бөтендөнья автомобильсез йөрү көне

Ел саен күп кенә илләрдә 22 сентябрьдә билгеләп үтелә торган Бөтендөнья автомобильсез йөрү көне җәяү һәм велосипедта, җәмәгать транспортында хәрәкәт итү ысулларын пропагандалау максатыннан билгеләп үтелә.

Көннең төп шигаре: "Шәһәр кешеләр өчен киңлек, тормыш өчен киңлек". Машиналарның күп булуы зур шәһәрләр проблемасы гына түгел, ә күптәннән глобальгә әйләнде.

Автомобильсез йөрү көнен үткәрү традициясе 1997 елда Англиядә башланган, бер елдан Франциядә узган. Ул вакытта бу көнне ике дистә чамасы шәһәр билгеләп үткән. Ә 2001 елда дөньяның 35 иленнән меңнән артык шәһәр рәсми төстә бу хәрәкәткә кушылган.

Calend.ru материаллары буенча.

(Казан, 22 сентябрь, «Татар-информ»).