Чүпрәле автотранспортчылары өчен юл-транспорт фаҗигасен рәсмиләштерү тәртибе

Агымдагы елның 1 июленнән РФ юл йөрү кагыйдәләренә юл-транспорт фаҗигаләре процедураларын  рәсмиләштерү белән бәйле үзгәрешләр үз көченә керде.

Кертелгән төзәтмәләр нигезендә, юл-транспорт фаҗигасе булган очракта, әгәр анда зарар күрүче яисә һәлак булучы булмаса һәм башка транспорт чараларының хәрәкәтенә тоткарлык ясалса, шоферлар хәрәкәт юлыннан машиналарын читкә алып куярга тиешләр. Юл-транспорт фаҗигасенә эләккән шоферлар машиналарга китерелгән зыян буенча үзара килешкән очракта полициягә хәбәр итеп тору мәҗбүри түгел. Әгәр инде юл-транспорт һәлакәтенә эләккән шоферлар үзара килешә алмыйлар һәм алар арасында бәхәс чыга икән, бу очракта юл-транспорт фаҗигасе турында полициягә хәбәр итәргә һәм аларның килеп юл-транспорт фаҗигасен рәсмиләштерү тәртибен аңлатуларын көтәргә. Тагын бер моментны искәртәсем килә, юл-транспорт фаҗигасенә эләккән шоферлар башка автотранспортның хәрәкәтенә комачауламас өчен машиналарын читкә алып куяр алдыннан юл-транспорт фаҗигасе булган урынны бер генә детален дә калдырмыйча фотога яисә видеога төшерергә тиешләр. Аннан соң ДПС постына яисә ЮХИДИ подразделениесенә фаҗигане теркәү өчен килергә тиешләр.

РФ КоАПның 12.27 маддәсендәге 1 часте нигезендә, юл-транспорт фаҗигасенә эләккән шоферларның  юл йөрү кагыйдәләрендә каралган вазифаларны үтәмәгән очракта бер мең сум күләмендәге административ штрафка тартылу каралганлыгын да искәртәсем килә.

Юл-транспорт фаҗигасенә эләккән шоферларга ярдәмгә автоинспекциянең рәсми сайтында махсус мәгълүмат-белешмә бүлеге эшләнгән. Анда юл-транспорт фаҗигасен рәсмиләштерү тәртибе аңлатылган. Моның өчен www.gibdd.ru/assistant/dtp сайтына кереп “ДТПны рәсмиләштерү кагыйдәләре” бүлегенә керегә кирәк.   

Айрат Хуҗиев, автоинспекциянең пропаганда буенча инспекторы