Чүпрәле муниципаль районы

Ата-аналар чыгарылыш кичәләрендә экономияли

2015 елның 24 июне, чәршәмбе

Тиздән Россиянең бар мәктәпләрендә чыгарылыш кичәләре узачак. Бер ел эчендә генә дә үз балаларына шушы бәйрәмгә махсус кием алмаган ата-аналарның саны ике тапкырга арткан.

Superjob порталы үткәргән сораштыруда катнашкан ата-аналарның 20 проценты өр-яңа костюм, чалбар, күлмәк алмыйча, экономия ясарга карар кылган. 20 проценты исә 5 мең сумга «сыешып беткән». Ата-аналарның 25 проценты үзләренең балаларына 5-10 мең сумлык кием сатып алган.

Җавапларга караганда, кием сатып алганда, малайларда күбрәк экономиялиләр икән. Әти-әниләрнең шактые яңа күлмәк белән костюм гына сатып ала. Шул сәбәпле, аларның бары тик 9 проценты гына шактый зур суммада акча туздырган. Кайберәүләр бәйрәм киеменә 21-30 мең сум акча түксә, 31 мең сумнан да күбрәк акча туздыручылар азчылыкны тәшкил иткән.

Бәйрәм тантанасы оештырылуына да “сакчыл” карый башлаганнар. Ата-ана комитетларына бәйрәм мәшәкатьләре өчен 5-10 мең сум акча тапшыручыларның саны, 2014 ел белән чагыштырганда, 5 процентка арткан. Өстәлдәге сый-нигъмәтләр өчен һәм башка вак-төяк өчен 5 мең сум бирүчеләрнең саны 22 процент тәшкил иткән.

Мөмкинлекләре булмаган ата-аналар арасында киемнәрне интернет-сайтлардан алучылар да булган. “Мондый бәйрәм гомергә бер генә була, шуңа кесә янчыгына сукса да, тырышасың инде”, – дип җавап бирүчеләр дә очраган.

http://intertat.ru/

БАРЛЫК ЯҢАЛЫКЛАРНЫ УКУ