Без - Тукай оныклары

    Кече Чынлы  урта гомуми белем бирү мәктәбендә 25 апрель көнне Г. Тукайныӊ  туган көнен искə алу уӊаеннан, 5, 6 А һәм 6 Б сыйныф укучылары көче белән әзерләнгән  “ Без- Тукай оныклары” дип исемлǝнгəн кичǝ  үткəрелде. Бəйрəм  Тукайныӊ үзе иҗат иткəн җыр көйлəре белəн (“Әллүки”, “ Тǝфтиллǝү”...) башланып китте. Кичə барышында укучылар Г.Тукайныӊ тормыш юлы һəм иҗаты белəн таныштырдылар, шагыйрьнеӊ шигырьлəрен сəнгатьле итеп уку конкурсы үткəрелде, күмәк рәвештә “Пар ат”җыры башкарылды. Иӊ оста шигырь сөйлǝүчелǝргə грамоталар тапшырылды.

  Бәйрәмнең икенче өлешендә 6А сыйныфы укучылары  Г.Тукайның “Таз” шигыреннән алынган “Мәдрәсәдәге бер көн” дип исемләнгән өзекне сәхнәләштерделәр. Әлеге өзектә укучылар мәдрәсәдәге шәкертләрнең ничек итеп белем алулары, буш вакытта уйнап, күңел ачу күренешләрен тәкъдим иттеләр.                                                                                                                                                                                                                                                                                                                             Кичǝнеӊ йомгаклау өлешендǝ, 6Б сыйныфы укучылары, Аулак өйгә җыелган яшьләрнең бер-берсенә такмак әйтүләре белән башланып китте. “Аулак өй” күренеше җыр һәм биюләр белән үрелеп барды.  Соӊыннан   укучылар, укытучылар белән  бергәләп, бөек татар шагыйре Г.Тукайның “И туган тел” җырын башкардылар.