БДИ: беренче укучылар имтихан тапшыра

2015 елның 30 марты, дүшәмбе
23 мартта Россиядә БДИны вакытыннан алда тапшыру этабы башлангыч алды. 24 апрельгә кадәр 9 меңләп укучы беренчеләрдән булып үз көчләрен сыныячак. Мәктәпне алдагы елларда тәмамлаучылар һәм педогогик совет карары белән имтиханга керү рөхсәте алган быелгы чыгарылыш сыйныф укучылары бер төркем имтиханнарны тапшырып та өлгерде инде.

23 мартка математика буенча база дәрәҗәдәге имтихан билгеләнгән иде. Татарстанда аны 16 кеше тапшыра. Математика буенча имтихан нәтиҗәләре исәпкә алына торган юнәлеш буенча укырга керергә теләүчеләр исә 26 мартта сыналды. 68 укучы БДИның профильле дәрәҗәдәге биремнәрне эшләде. Рус теле буенча БДИны вакытыннан алда тапшыру көне бүген узды.Татарстанда аны 99 укучы тапшырды.

Имтиханнар гадел узамы?

Рособрнадзор идарәсе Бердәм дәүләт имтиханын уздыру объективлыгы буенча төбәкләр рейтингы төзиячәк. Исәпкә алыначак критерийлар арасында имтиханнарны планлаштыру вакыты үтәлү, онлайн видеокүзәтү оештырылган аудиторияләр саны, кәрәзле телефон сигналларын “йотучы” җиһазлар урнаштырылган имтихан уздыру пунктлары исәбе.

Төбәкләр бәяләү нәтиҗәләре буенча өч зонага бүленәчәк. Кызыл зонада объективлыкка җитди сораулар булган регионнар эләгәчәк. Сарысында – имтиханда йөз процент үтәкүренмәлелек тәэмин итә алмаучылар булачак. Яшел зонага йомгак аттестациясен оештыруга иң җитди караучылар кертеләчәк.

http://intertat.ru/
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгате
Телефон: 8(84375)2-21-70
Факс: 8(84375)2-22-71
E-Mail: chuprale@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International