Чүпрәле муниципаль районы

Чүпрәледә "Җиңү" хәйрия акциясе кысаларында күргәзмә-сату оештырылды

2015 елның 10 марты, сишәмбе

Традицион шимбә киңәшмәсе күргәзмә-сатудан башланды.

Күргәзәмәдә тәкъдим ителгән кул эшләнмәләре “Җиңү” акциясе кысаларында эшләнгән. Һәм анда җыелган акча да хәйрия фондына китәчәк.. Күргәзәмәне район мәгариф бүлеге оештырган һәм анда Чуваш Чүпрәлесе, Кече Чынлы, 2 номерлы Иске Чүпрәле урта мәктәбе укуларының кул эшләнмәләре куелган иде.

Исегезгә төшерәбез, райондагы «Благодарение» иҗтимагый җирле фонды тарафыннан Бөек Җиңүнең 70 еллыгы кысаларында чаралар уздыру өчен ирекле матди ярдәм җыю буенча sms-акция үткәрелә.

Моның өчен 7715 номерына Чупрале сүзе пробел һәм матди ярдәм күләме язылган СМС хәбәр җибәрергә кирәк. Мәсәлән: Чупрале 100 дип СМС җибәргәннән соң, абонент үзенең кәрәзле операторыннан түләүне раслау кирәклеге турында хәбәр алачак. Моңа каршы да ризалык белдереп җавап бирү сорала. Шуннан соң гына күрсәткән сумма кисеп алына. Түләү башкарылгач, «Благодарим Вас за пожертвование» дигән хәбәр киләчәк.

СМС-хәбәр җибәрү хакы: «Билайн» абонентлары өчен 0 сум, «Мегафон» өчен 1,5 сум, «МТС» өчен 1,27 сум.

Чупрале сүзеннән соң, матди ярдәм күләме күрсәтелмичә СМС-хәбәр җибәргән очракта, телефонннан 45 сумны кисеп алу турында хәбәр киләчәк. Корпоратив элемтә абонентлары смс-акциядә катнаша алмый.

Резидә Җамалтдинова

БАРЛЫК ЯҢАЛЫКЛАРНЫ УКУ