«Наше время — Безнең заман» фестивалендә Чүпрәленең эшләүче яшьләре өченче урынны яулады

2014 елның 7 октябре, сишәмбе
Эшләүче яшьләрнең республикакүләм телевизион иҗат фестиваленең узган ел әле исеме дә юк иде. Быел исә фестиваль «Наше время — Безнең заман» исеме астында узды. Шушы көннәрдә фестивальнең зона сайлап алу турлары төгәлләнде.

2013 елның көз аенда узган беренче фестивальне Татарстан Президенты Рөстәм  Миңнеханов булышлыгы белән Татарстан Сәнәгать һәм сәүдә министрлыгы һәм  Яшьләр эшләре һәм спорт министрлыклары оештырды.

Быел сайлап алу турына республикабызның төрле районнарыннан барлыгы 32 команда гариза тапшырган. Алар арасында Татарстанның эре предприятиеләреннән катнашучылар да бар.Татарстан Президенты ярдәме белән оештырылучы фестивальнең максаты – эшләүче яшьләребезне берләштерү, аларның иҗади мөмкинлекләрен ачарга булышу.

II нче «Безнең заман» фестивалендә 18 яшьтән алып 35 яшькә кадәрге 7-15 кешедән торган оешма командалары катнашты. Командалар берничә көн сәламәтләндерү лагерьларында һәм ял базаларында яшәп, «Визитка-презентация», «Фотокросс», «Музыкаль юнәлеш», «Бию» һ.б. номинацияләрдә ярышты, төрле осталык дәресләрендә өйрәнүләрдә булды.

 Әлеге фестивальдә Чүпрәле хакимиятенең эшләүче яшьләр дә катнашты һәм гомум команда зачёт нәтиҗәләре буенча 3 урыннны яулады. Хәзер алар октябрь ае азагында узачак суперфиналда катнашачаклар. Әфәрин, Чүпрәле яшьләре! Уңышлар телибез!

1 ноябрьдә узачак фестивальнең гала-концерт  бәйрәмендә исә лауреат-финалистларга диплом, фестивальнең махсус кубогы, кыйммәтле призлар, акчалата премияләр тапшырылачак. Гран-при иясен Татарстан Президенты Кубогы һәм 100 мең сум акчалата бүләк көтә.


Гөлия Фәизова
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгате
Телефон: 8(84375)2-21-70
Факс: 8(84375)2-22-71
E-Mail: chuprale@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International