СССР-Канада суперсериясе уенчылары Казанга килә

2014 елның 16 сентябре, сишәмбе
21-24 сентябрь көннәрендә Казанга дөнья хоккее йолдызлары килә. Аерым алганда, Татарстан башкаласына СССР – Канада командалары арасындагы суперсерияләрдә катнашкан легендар спортчылар җыена.

Алар арасында Фил Эспозито, 1972 һәм 1974 еллардагы суперсерияләрдә иң нәтиҗәле уенчы булып танылган Александр Якушев, чагыштырмача күптән түгел карьераларын тәмамлаган Валерий Каменский, Александр Семак, Иса Тикканен һәм башка йолдызларның килүе көтелә. 23 сентябрьдә исә хоккей йолдызлары Казанда хәйрия матчы уздырачак. Әлеге матчта Татарстан Президенты Рөстәм Миңнехановның катнашуы да фаразлана.

Казанга сәфәрләре барышында хоккей легендалары шәһәр һәм республика белән танышачак, яшь хоккейчылар өчен мастер-класслар уздырачак. Йолдызлар матчы исә түләүле булачак, ягъни чын хоккей йолдызларын күрергә теләүчеләр матчка билет алып керергә тиеш. Билет бәяләре 50 сумнан 300 сумга кадәр. Билетларны www.bileton.ru интернет-кибетендә алырга мөмкин.

Матч Казанның Спорт сараенда узар дип планлаштырыла.
http://intertat.ru/
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгате
Телефон: 8(84375)2-21-70
Факс: 8(84375)2-22-71
E-Mail: chuprale@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International