2026 елның беренче көнендә Чүпрәле районының Зур Чынлы авылында яшәүче Сания Насретдин кызын юбилее белән котладылар
Җитәкчеләрнең килүе юбилярны бик сөендерде.
2026 елның 1 гыйнварында, Яңа ел бәйрәме көнендә, Сания Насретдин кызы Миначева 95 яшьлек юбилеен каршылады.
Сания Насретдин кызы 1931 елның 1 гыйнварында Татарстанның Чүпрәле районы Зур Чынлы авылында туа.
Ул өч балалы гаиләдә үскән. Аның әтисе ул туганнан соң озак та үтмәстән үлә, ә аннары Бөек Ватан сугышы башлана. Фронтка киткән абыйлары сугыштан кайтмыйлар. Шулай итеп, Сания апа әнисе белән икәү генә кала.
Авылда аның башка туганнары юк иде. Ул бөтен гомерен әнисе турында кайгыртуга багышлаган, шуңа күрә үз гаиләсен булдырмаган.
«Минем бик яхшы, ярдәмчел күршеләрем бар. Элек, көч булганда, мин үзем аларга булыша идем, ә хәзер алар миңа ярдәм итә", - дип уртаклаша юбиляр.
Хәзер аңа социаль хезмәткәр Лилия Әхмәтова ярдәм итә. Сания Насретдин кызы аның ярдәменнән бик канәгать һәм аңа рәхмәтле.
Юбилей көнендә аны Башкарма комитет җитәкчесенең икътисад буенча урынбасары Илмир Измайлов һәм авыл җирлеге башлыгы Фаил Фәтхуллов котларга килделәр.
Кунаклар Сания Миначевага Россия Президенты Владимир Путинның Котлау Хатын, Чүпрәле районы Башлыгы бүләген, шулай ук шәхсән үзеннән Яңа ел тәм-томнарын тапшырдылар. Алар аңа нык сәламәтлек, күңел күтәренкелеге һәм иминлек теләделәр.
Кунакларның килүе Юбилярны бик сөендерде. Ул барысына да җылы котлаулары өчен рәхмәт белдерде һәм, үз чиратында, яңа килгән елда уңышлар теләде.