Чүпрәле районында авыл хуҗалыгы һәм эшкәртү сәнәгате алдынгыларын котладылар
Залда үз һөнәрләренә иң тугрылыклы кешеләр иде. Дистә еллар бер предприятиедә эшләүчеләр, иртә таңнан кырларга чыгучылар, безнең өстәлдә һәрвакыт файдалы экологик продуктлар булсын өчен тырышучылар.
2025 елның 27 декабрендә Чүпрәле районында авыл хуҗалыгы һәм эшкәртү сәнәгате алдынгылары слеты булды.
Чарада район Башлыгы Марат Гафаров, Татарстан Республикасы Авыл хуҗалыгы һәм азык-төлек министры урынбасары Гөлүс Баязитов, Россия Федерациясе Дәүләт Думасы депутаты Илдар Гыйльметдинов, «Чистополье» Холдинг компаниясе акционерлык җәмгыяте генераль директоры урынбасары Глеб Кузнецов, «Ак Барс» холдинг компаниясе акционерлык җәмгыяте генераль директорының персонал буенча урынбасары Айрат Алеев, оешма-предприятиеләр җитәкчеләре, әлбәттә, авыл хезмәтчәннәре һәм авыл хуҗалыгының барлык тармаклары хезмәткәрләре.
Тантана башланыр алдыннан кунаклар район мәдәният йорты фойесында оештырылган авыл хуҗалыгы предприятиеләре күргәзмәсе белән таныштылар, анда район авыл хуҗалыгы җитештерүчеләренең хезмәт җимешләре куелган иде.
Бүген залда үз һөнәрләренә иң тугрылыклы кешеләр иде. Дистә еллар бер предприятиедә эшләүчеләр, иртә таңнан кырларга чыгучылар, безнең өстәлдә һәрвакыт файдалы экологик продуктлар булсын өчен тырышучылар.
Район Башлыгы Марат Гафаров механизаторларга, агрономнарга, зоотехникларга һәм хуҗалыклар җитәкчеләренә чын күңелдән рәхмәт белдерде.
- Муниципалитетның төп күрсәткечләре-авыл хуҗалыгы тармагы. Һәм монда һәр хезмәт кешесенең өлеше мөһим. Бу ел сезнең тырыш хезмәтегез нәтиҗәсендә уңышлы булды, - дип мөрәҗәгать итте Марат Ринатович залда утыручы авыл хуҗалыгы алдынгыларына.
Район Башлыгы билгеләп үткәнчә, быел район буенча бөртеклеләр 154 тонна суктырылган, бу районның рекордлы күрсәткечләре, район буенча бөртеклеләрнең уртача уңышы һәр гектардан 47,5 центнер тәшкил итә. Районның 24 комбайнчысы республика конкурсында җиңүче булды. Терлекчелек буенча да яхшы нәтиҗәләр бар.
Безнең хуҗалык җитәкчеләре махсус хәрби операция хәрбиләренә һәм аларның гаиләләренә ышанычлы тыл тәэмин итүгә зур өлеш кертәләр. Күпләр гуманитар йөкне билгеләнгән урынга кадәр шәхсән озата бара. Аларга карата да рәхмәт сүзләре яңгырады.
Алдынгыларны Татарстан Республикасы Авыл хуҗалыгы һәм азык-төлек министры урынбасары Гөлүс Баязитов, Россия Федерациясе Дәүләт Думасы депутаты Илдар Гыйльметдинов, район Башкарма комитеты җитәкчесе Рөстәм Мөхәмәтҗанов, районның агроидарә башлыгы Тәлгать Халитов, «Чистополье» холдинг компаниясе акционерлык җәмгыяте генераль директоры урынбасары Глеб Кузнецов, «Ак Барс» холдинг компаниясе акционерлык җәмгыяте генераль директорының персонал буенча урынбасары Айрат Алеев котладылар.
Чүпрәле аграрийларына югары оешкан хезмәтләре һәм хезмәткә намуслы мөнәсәбәтләре өчен ихлас рәхмәт сүзләре әйтелде. Чара концерт номерлары белән үрелеп барды.
Уңыш бәйрәмендә хезмәт алдынгыларына медальләр, Рәхмәт хатлары, Дипломнар һәм Мактау грамоталары тапшырылды. Шулай ук үзләрен аграр тармакка багышлаган ветераннарны да котладылар. Бүләкләрне Марат Гафаров, Гөлүс Баязитов, Илдар Гыйльметдинов, Рөстәм Мөхәмәтҗанов, Тәлгать Халитов, Глеб Кузнецов, Айрат Алеев тапшырдылар.
Шулай ук тантаналы чара - алдынгылар слеты барышында, шәхси ярдәмче хуҗалыкларга ярдәм итү буенча район программасы кысаларында биш шәхси ярдәмче хуҗалык гаиләсенә: Зур Аксу авылыннан Лидия Искәндәровага (гомуми баш саны - 25 баш), Зур Чынлы авылыннан Гөлия Шигаповага, Кече Чынлы авылыннан Рәисә Фәхретдиновага, Мунчали авылыннан Хәйдәр Таҗетдиновка һәм Уби авылыннан Галина Козловага саву аппаратлары тапшырылды.