Ватан Геройлары көне: Чүпрәле районы делегациясе тантаналарда катнаша
9 декабрь-Ватанга хезмәт итүдә батырлык һәм фидакарьлек күрсәткән сугышчыларны хөрмәтләү көне.
Бүген, Россия Федерациясе Геройлары, Социалистик Хезмәт Геройлары, аларның туганнары һәм балалары, ветераннары һәм сугыш хәрәкәтләрендә катнашучылар, иҗтимагый оешмалар вәкилләре катнашында, Галиәсгар Камал исемендәге Татар дәүләт академия театрында Ватан Геройлары көнен бәйрәм итүгә багышланган тантаналы чара уза.
Чүпрәле районы делегациясен Башкарма комитет җитәкчесенең социаль мәсьәләләр буенча урынбасары Айрат Җәлалов җитәкләде. Составына хәрби хәрәкәтләр ветераннары советы рәисе Виктор Петухов, ветераннар һәм махсус хәрби операциядә катнашучылар керде.
Чүпрәле районы үзенең каһарманнары белән хаклы рәвештә горурлана. Ачык мисал - ел саен якташлары белән очраша торган Россия Герое Газинур Хәйруллин.
Ватан Геройлары көне - Ватаныбыз хакына батырлык һәм фидакарьлек күрсәткәннәрне хөрмәтләү көне. Бөек Җиңүнең 80 еллыгы һәм Ватанны саклаучылар елында мондый чаралар аеруча зур әһәмияткә ия була – алар тарихи хәтерне саклап кына калмыйлар, яшь буында ватанпәрвәрлек һәм үз илен яратуның мәңгелек кыйммәтләрен формалаштыра.