Чүпрәле районында егетләр арасында "КЭС-БАСКЕТ" баскетбол буенча чемпионнар билгеле булды
2025 елның 12 ноябрендә егетләр командалары арасында «КЭС-БАСКЕТ» мәктәп баскетбол лигасы Чемпионатының муниципаль этабы узды. 2025-2026 уку елы сезонында җиңү өчен көрәштә Татарстан Республикасы Чүпрәле районы гомуми белем бирү оешмаларыннан 13 команда очрашты.
Ярышлар берничә мәйданчыкта үтте: «Алтын» спорт комплексында, 1 санлы Иске Чүпрәле урта мәктәбе спорт залында һәм «Чемпион» комплексында, анда финал матчлары да уйналды.
Турнирда катнашучыларны Башкарма комитет җитәкчесенең социаль мәсьәләләр буенча урынбасары Айрат Җәлалов һәм спорт, яшьләр һәм туризм бүлеге җитәкчесе Руслан Вилданов сәламләде, командаларга якты уеннар һәм матур җиңүләр теләделәр.
Ярышлар йомгаклары буенча призлы урыннар түбәндәгечә бүленде:
1 нче урынны 1 нче санлы Иске Чүпрәле урта мәктәбе командасы алды;
2 урын - Иске Чүпрәле күппрофильле лицее командасы;
3 урын - Зур Аксу урта мәктәбе командасы.
Барлык призерлар да дипломнар һәм кубоклар белән бүләкләнде. Турнирның иң кыйммәтле уенчысы (MVP) титулын 1 нче санлы Иске Чүпрәле урта мәктәбе укучысы Артур Низамов яулады, ул шулай ук шәхси диплом алды. Шулай ук тренерларга, ярышларда хөкемдарларга һәм мәгариф бүлеге методистына Рәхмәт хатлары тапшырылды.
Чара кысаларында «Хезмәткә һәм оборонага әзер» Бөтенроссия физкультура-спорт комплексы нормативларын тапшыру өчен мобиль мәйданчык оештырылды.
Исегезгә төшерәбез, ГТО комплексы «Россия спорты» дәүләт программасы кысаларында гамәлгә ашырыла.