Татарстан Республикасы Конституциясе һәм бердәмлеге көненә багышланган волейбол турниры Чүпрәле районында иң көчлеләрне ачыклады
3 ноябрьдә Чүпрәле районында мөһим дәүләт бәйрәмнәре — Халыклар бердәмлеге көне һәм Татарстан Республикасы Конституциясе көненә багышланган волейбол турниры узды. Ярышлар «Бердәм Россия» партиясенең җирле бүлекчәсе ярдәмендә узды.
Ярышларда катнашучыларны Чүпрәле муниципаль районы Башкарма комитеты җитәкчесе Рөстәм Мөхәмәтҗанов, «Бердәм Россия» партиясе муниципаль берәмлеге башкарма секретаре Илдар Каюмов, Чүпрәле районының Яшьләр эшләре, спорт һәм туризм бүлеге җитәкчесе Руслан Вилданов сәламләде. Алар спортчыларга җиңүләр һәм гадел көрәш теләделәр.
Турнирда дүрт команда катнашты, алар көн дәвамында түгәрәк системасы буенча ярыштылар. Спортчылар югары осталык, ихтыяр көче һәм чын команда рухы күрсәттеләр. Финал уеннары тамашачыларда зур кызыксыну уятты.
«Алтын» командасы-Иске Чүпрәле җиңүче булып, икенче урынны «Авангард» командасы-Иске Чүпрәле, өченче урынны «1 нче санлы Иске Чүпрәле урта мәктәбе» волейболчылары алды.
Ярышлар тәмамлангач, Руслан Вилданов барлык катнашучыларга да тамашалы уеннары өчен рәхмәт белдерде һәм киләчәктә дә спортта уңышлар теләде. Барлык командалар да «Бердәм Россия» партиясенең җирле бүлекчәсеннән грамоталар һәм истәлекле бүләкләр белән бүләкләнде.
Ярышлар вакытында "Хезмәткә һәм оборонага әзер" комплексы нормативларын үтәү өчен мобиль мәйданчык оештырылды. Теләге булган һәркем ГТО нормативларын үти алды.
Исегезгә төшерәбез, ГТО комплексы «Россия спорты» дәүләт программасы кысаларында гамәлгә ашырыла.