Финанс хезмәтләре куркынычсызлыгы турында сораштыру башланды
2025 елның 1 ноябреннән 28 ноябренә кадәр Россия Банкы гражданнарның кредит-финанс өлкәсендә финанс хезмәтләренең куркынычсызлык дәрәҗәсеннән канәгатьлеген бәяләүгә багышланган бөтенроссия сораштыру үткәрә.
Сораштыруның төп максаты-акчаларның сакланышы турында халыкның фикерен ачыклау һәм гражданнарның банк һәм финанс сервисларыннан файдаланганда гамәлдәге куркынычсызлык механизмнарына никадәр ышануларын билгеләү. Мошенниклыкка һәм акча урлауга каршы торуның төп коралы булып финанс грамоталылыгын арттыру һәм халыкның киберкуркынычсызлыгын ныгыту тора.
Сораштыруда теләгән һәркем катнаша ала-моның өчен Россия Банкының рәсми сайтында шәхессез анкета тутыру да җитә. Сораштыру нәтиҗәләре клиентларны яклау буенча гамәлдәге чараларның никадәр нәтиҗәле булуын һәм финанс өлкәсендә нинди юнәлешләрнең көчәйтүне таләп итүен билгеләргә ярдәм итәчәк.
Кадерле чүпрәлеләр! Сезне сораштыруда актив катнашырга һәм финанс мохитенең куркынычсызлыгын арттыруга үз өлешегезне кертергә чакырабыз. Сезнең фикерегез кредит-финанс оешмалары эшен алга таба камилләштерү өчен чыннан да мөһим!