Самараның «МТЛ Арена» спорт комплексында «ГТО уеннары» Чемпионнар фестивале башланды!

Россия Президенты Владимир Владимирович Путин билгеләп үткәнчә, без илдә мөмкин кадәр күбрәк кешенең физик культура һәм спорт белән шөгыльләнүенә омтылырга һәм моның өчен бөтен шартларны тудырырга тиеш. 

— «ГТО уеннары» Чемпионнар фестивале-зур спорт бәйрәме, ул үз мәйданчыгына иң көчле катнашучыларны җыя. Мондый чаралар олыларны һәм балаларны ГТО хәрәкәтенә җәлеп итә торган көчле этәргеч булып тора, — дип билгеләп үтте Россиянең спорт министры, Россия Олимпия комитеты рәисе Михаил Владимирович Дегтярев.

22 октябрьдә — «Команда узышы», ә 23 октябрьдә «Чемпионнар узышы» булды.
Фестиваль Россия Спорт министрлыгы, спорт чараларының федераль дирекциясе һәм Самара өлкәсе Хөкүмәте ярдәмендә уза.