Татарстан Республикасы Чүпрәле муниципаль районында Башлыгы Марат Гафаров юбилярларны тимер туйлары белән котлады
2025 елның 4 октябрендә Чүпрәле районында 65 ел бергә яшәгән парларны хөрмәтләделәр. Алар-Түбән Каракитә авылыннан Кыяметдин Җәләл улы һәм Энҗе Җамалтдин кызы Камаловлар гаиләсе һәм Татар Бизнәсе авылыннан Илалетдин Кыям улы һәм Сара Айниятулла кызы Низамовлар гаиләсе. 65 ел бергә яшәү-тимер туй.
Парларны котлаулар өлкәннәр ункөнлеге уңаеннан үткәрелде. Тимер туйлары белән котларга район Башлыгы Марат Гафаров, ЗАГС бүлеге башлыгы Альбина Шәрәфетдинова һәм авыл җирлеге башлыгы Рәфыйк Җамалетдинов килде.
Парлар кунакларны үзләренең җылы йортларында каршы алдылар. Туганнарын һәм якыннарын котларга юбилярларның балалары да килгән иде.
Бик аз пар 65 елдан артык гаилә учагын саклап кала ала. Тормышны яшәү — кырны кичү түгел, дип халык юкка гына әйтми бит. Шулкадәр еллар бергә яшәү-үзара сабырлыкка, тирән хөрмәткә һәм кичерә белүгә нигезләнгән Бөек хезмәт ул. Камаловлар һәм Низамовлар бергә яшәгән чорда барысы да — кайгы-хәсрәт, борчылулар булды, әмма, бернигә дә карамастан, алар үз мөнәсәбәтләрен җылы һәм ихлас саклый алдылар.
Алар барысы да сугыштан соңгы еллар аша узган, ил җимереклектән соң торгызылган, һәм кул куймыйча эшләргә кирәк булган. Нәкъ менә шундый авыр вакытларда хисләрнең ныклыгын тикшерәләр дә, аларның озак вакытлы никахы-чын, тугры мәхәббәтнең дәлиле. Шуңа да карамастан, алар лаеклы балалар үстергәннәр, бүген аларның уңышларына сөенәләр, оныклары да сөендерә.
"Сез безнең барыбыз өчен дә, ил өчен дә үрнәк булып торасыз. Сез үз тормышыгыз белән ничек гафу итәргә, ышанырга һәм яратырга кирәклеген күрсәтәсез. Сезнең союз-яшь буын өчен зирәклек, сабырлык һәм тугрылык мәктәбе. Мин сезне чын күңелдән шушы якты һәм зур дата белән котлыйм. Иң мөһиме-сезгә озак елларга сәламәтлек һәм көч, туганнарыгыз һәм якыннарыгызның кайгыртуларын һәм игътибарларын тоеп яшәвегезне телим", - дип билгеләп үтте район Башлыгы Марат Гафаров, парларны бу истәлекле көн белән котлап.
Кыяметдин Җәләл улы белән Энҗе Җамалетдин кызы гомер буе туган авылларында эшлиләр. Кыяметдин абзый алдынгы «Йолдыз» колхозында механизатор булып 40 ел хезмәт итә. Энҗе апа Райпо системасында азык — төлек кибете мөдире, соңыннан хат ташучы һәм сөт җыючы булып эшли. Дүрт ул тәрбияләп үстерәләр. Бүген Камаловларның 8 оныгы һәм оныкчыклары бар.
"Бернинди сер дә юк, — дип елмая Энҗе апа. - Без һәрвакыт юл куярга, аңларга һәм ачу сакламаска тырыштык. Хөрмәт-менә нәрсә иң мөһиме", - дип билгеләп үтте ир белән хатын.
Илалетдин Кыям улы белән Сара Айниятулла кызы өч бала тәрбияләп үстергәннәр, кызганычка каршы, бердәнбер улларын югалту кайгысын кичергәннәр. Илалетдин Кыям улы шахтер, соңыннан авылда шофер булып эшли. Сара Айниятулла кызы пешекче булып гомер буе мәктәп укучыларына тәмле ризык әзерләде.
"Булгалады, - ди Сара апа. - Әмма без начар кәефне, арыганлыкны, үпкәләрне кичерергә һәм түзәргә өйрәндек. Гаилә тормышы-ул бербөтен, һәм аны сакларга кирәк", - дип билгеләп үттеләр Низамовлар.