Татарстан Республикасы Чүпрәле муниципаль районында мини-футбол буенча иң яхшы командалар билгеләнде.
Чемпионат вакытында ГТО мобиль мәйданчыгы оештырылды.
2025 елның 17 сентябрендә район оешмалары һәм предприятиеләре командалары арасында мини-футбол буенча район чемпионаты тәмамланды.
Чемпионат Татарстан Республикасы Чүпрәле районы оешуга 95 ел тулуны бәйрәм итү кысаларында үткәрелде.
Оешмалар һәм предприятиеләр арасында мини-футбол буенча чемпионат агымдагы елның август ахырында старт алды. Мини-футбол буенча иң яхшы команда исеме өчен 7 команда көрәште.
Икенче ярымфиналда уеннар администрация һәм ИП командалары (О:2 ИП файдасына), мәгариф бүлеге һәм спорт мәктәбе командалары арасында узды (0:0, пенальти буенча спорт мәктәбе җиңде).
Ә кичә администрация һәм мәгариф бүлеге командалары уйнады, ә финал уеннарында ИП һәм спорт мәктәбе командалары көч сынашты.
Уен нәтиҗәләре буенча 3 урынны мәгариф бүлеге командасы яулады, алар чемпионатның бронза призерлары булдылар. 2 урынны шәхси эшмәкәрләр командасы (ИП) алды, 1 урынны спорт мәктәбе командасы яулады.
Оештыручылар тарафыннан үз позицияләрендә иң яхшы уенчылар билгеләнде: иң яхшы бомбардир - Евгений Яковлев, иң яхшы һөҗүмче - Николай Паймушкин, иң яхшы капкачы - Имил Халимов, иң яхшы сакчы - Юрий Михайлов.
Бүләкләү тантанасында барлык катнашучыларны, җанатарларны, призерларны һәм җиңүчеләрне Башкарма комитет Җитәкчесе урынбасары Айрат Җәләлов һәм яшьләр эшләре, спорт һәм туризм бүлеге җитәкчесе Руслан Вилданов җылы сәламләделәр.
Айрат Фиркатович барлык командаларга районда әлеге спорт төрен популярлаштырулары өчен рәхмәт белдерде һәм барысын да спорт бәйрәме белән котлады.
Призер командаларның барысына да грамоталар, командада катнашучыларга бүләкләр тапшырылды, ә җиңүче команда күчмә Чемпионат Кубогын да алды.
Барлык призерларны һәм җиңүчеләрне котлыйбыз һәм аларга алга таба уңышлар телибез!!!